1. א למנצח אל-הנחילות מזמור לדוד
2. ב אמרי האזינה יהוה בינה הגיגי
3. ג הקשיבה לקול שועי--מלכי ואלהי כי-אליך אתפלל
4. ד יהוה--בקר תשמע קולי בקר אערך-לך ואצפה
5. ה כי לא אל חפץ רשע אתה לא יגרך רע
6. ו לא-יתיצבו הוללים לנגד עיניך שנאת כל-פעלי און
7. ז תאבד דברי כזב איש-דמים ומרמה יתעב יהוה
8. ח ואני--ברב חסדך אבוא ביתך אשתחוה אל-היכל-קדשך ביראתך
9. ט יהוה נחני בצדקתך--למען שוררי הושר (הישר) לפני דרכך
10. י כי אין בפיהו נכונה--קרבם הוות קבר-פתוח גרנם לשונם יחליקון
11. יא האשימם אלהים-- יפלו ממעצותיהם ברב פשעיהם הדיחמו-- כי-מרו בך
12. יב וישמחו כל-חוסי בך לעולם ירננו-- ותסך עלימו ויעלצו בך אהבי שמך [ ( ) יג כי-אתה תברך צדיק יהוה--כצנה רצון תעטרנו ]