1. א למנצח על-השמינית מזמור לדוד
2. ב הושיעה יהוה כי-גמר חסיד כי-פסו אמונים מבני אדם
3. ג שוא ידברו--איש את-רעהו שפת חלקות--בלב ולב ידברו
4. ד יכרת יהוה כל-שפתי חלקות-- לשון מדברת גדלות
5. ה אשר אמרו ללשננו נגביר--שפתינו אתנו מי אדון לנו
6. ו משד עניים מאנקת אביונים עתה אקום יאמר יהוה אשית בישע יפיח לו
7. ז אמרות יהוה אמרות טהרות כסף צרוף בעליל לארץ מזקק שבעתים
8. ח אתה-יהוה תשמרם תצרנו מן-הדור זו לעולם [ ( ) ט סביב רשעים יתהלכון כרם זלות לבני אדם ]