1. א-ב שיר מזמור לדוד
2. נכון לבי אלהים אשירה ואזמרה אף-כבודי
3. ג עורה הנבל וכנור אעירה שחר
4. ד אודך בעמים יהוה ואזמרך בלאמים
5. ה כי-גדול מעל-שמים חסדך ועד-שחקים אמתך
6. ו רומה על-שמים אלהים ועל כל-הארץ כבודך
7. ז למען יחלצון ידידיך הושיעה ימינך וענני
8. ח אלהים דבר בקדשו--אעלזה אחלקה שכם ועמק סכות אמדד
9. ט לי גלעד לי מנשה ואפרים מעוז ראשי יהודה מחקקי
10. י מואב סיר רחצי--על-אדום אשליך נעלי עלי-פלשת אתרועע
11. יא מי יבלני עיר מבצר מי נחני עד-אדום
12. יב הלא-אלהים זנחתנו ולא-תצא אלהים בצבאתינו
13. יג הבה-לנו עזרת מצר ושוא תשועת אדם [ ( ) יד באלהים נעשה-חיל והוא יבוס צרינו ]