Hebrew Bible Presentation Sharing - 1-Chronicles Book, chapter 8, verse 22 in Wlc Version

דברי הימים א 8 : 1 (WLC)

וּבִנְיָמִן הֹולִיד אֶת־בֶּלַע בְּכֹרֹו אַשְׁבֵּל הַשֵּׁנִי וְאַחְרַח הַשְּׁלִישִׁי׃

דברי הימים א 8 : 2 (WLC)

נֹוחָה הָרְבִיעִי וְרָפָא הַחֲמִישִׁי׃ ס

דברי הימים א 8 : 3 (WLC)

וַיִּהְיוּ בָנִים לְבָלַע אַדָּר וְגֵרָא וַאֲבִיהוּד׃

דברי הימים א 8 : 4 (WLC)

וַאֲבִישׁוּעַ וְנַעֲמָן וַאֲחֹוחַ׃

דברי הימים א 8 : 5 (WLC)

וְגֵרָא וּשְׁפוּפָן וְחוּרָם׃

דברי הימים א 8 : 6 (WLC)

וְאֵלֶּה בְּנֵי אֵחוּד אֵלֶּה הֵם רָאשֵׁי אָבֹות לְיֹושְׁבֵי גֶבַע וַיַּגְלוּם אֶל־מָנָחַת׃

דברי הימים א 8 : 7 (WLC)

וְנַעֲמָן וַאֲחִיָּה וְגֵרָא הוּא הֶגְלָם וְהֹולִיד אֶת־עֻזָּא וְאֶת־אֲחִיחֻד׃

דברי הימים א 8 : 8 (WLC)

וְשַׁחֲרַיִם הֹולִיד בִּשְׂדֵה מֹואָב מִן־שִׁלְחֹו אֹתָם חוּשִׁים וְאֶת־בַּעֲרָא נָשָׁיו׃

דברי הימים א 8 : 9 (WLC)

וַיֹּולֶד מִן־חֹדֶשׁ אִשְׁתֹּו אֶת־יֹובָב וְאֶת־צִבְיָא וְאֶת־מֵישָׁא וְאֶת־מַלְכָּם׃

דברי הימים א 8 : 10 (WLC)

וְאֶת־יְעוּץ וְאֶת־שָׂכְיָה וְאֶת־מִרְמָה אֵלֶּה בָנָיו רָאשֵׁי אָבֹות׃

דברי הימים א 8 : 11 (WLC)

וּמֵחֻשִׁים הֹולִיד אֶת־אֲבִיטוּב וְאֶת־אֶלְפָּעַל׃

דברי הימים א 8 : 12 (WLC)

וּבְנֵי אֶלְפַּעַל עֵבֶר וּמִשְׁעָם וָשָׁמֶד הוּא בָּנָה אֶת־אֹונֹו וְאֶת־לֹד וּבְנֹתֶיהָ׃

דברי הימים א 8 : 13 (WLC)

וּבְרִעָה וָשֶׁמַע הֵמָּה רָאשֵׁי הָאָבֹות לְיֹושְׁבֵי אַיָּלֹון הֵמָּה הִבְרִיחוּ אֶת־יֹושְׁבֵי גַת׃

דברי הימים א 8 : 14 (WLC)

וְאַחְיֹו שָׁשָׁק וִירֵמֹות׃

דברי הימים א 8 : 15 (WLC)

וּזְבַדְיָה וַעֲרָד וָעָדֶר׃

דברי הימים א 8 : 16 (WLC)

וּמִיכָאֵל וְיִשְׁפָּה וְיֹוחָא בְּנֵי בְרִיעָה׃

דברי הימים א 8 : 17 (WLC)

וּזְבַדְיָה וּמְשֻׁלָּם וְחִזְקִי וָחָבֶר׃

דברי הימים א 8 : 18 (WLC)

וְיִשְׁמְרַי וְיִזְלִיאָה וְיֹובָב בְּנֵי אֶלְפָּעַל׃

דברי הימים א 8 : 19 (WLC)

וְיָקִים וְזִכְרִי וְזַבְדִּי׃

דברי הימים א 8 : 20 (WLC)

וֶאֱלִיעֵנַי וְצִלְּתַי וֶאֱלִיאֵל׃

דברי הימים א 8 : 21 (WLC)

וַעֲדָיָה וּבְרָאיָה וְשִׁמְרָת בְּנֵי שִׁמְעִי׃

דברי הימים א 8 : 22 (WLC)

וְיִשְׁפָּן וָעֵבֶר וֶאֱלִיאֵל׃

דברי הימים א 8 : 23 (WLC)

וְעַבְדֹּון וְזִכְרִי וְחָנָן׃

דברי הימים א 8 : 24 (WLC)

וַחֲנַנְיָה וְעֵילָם וְעַנְתֹתִיָּה׃

דברי הימים א 8 : 25 (WLC)

וְיִפְדְיָה *וּפְנִיאֵל כ (וּפְנוּאֵל ק) בְּנֵי שָׁשָׁק׃

דברי הימים א 8 : 26 (WLC)

וְשַׁמְשְׁרַי וּשְׁחַרְיָה וַעֲתַלְיָה׃

דברי הימים א 8 : 27 (WLC)

וְיַעֲרֶשְׁיָה וְאֵלִיָּה וְזִכְרִי בְּנֵי יְרֹחָם׃

דברי הימים א 8 : 28 (WLC)

אֵלֶּה רָאשֵׁי אָבֹות לְתֹלְדֹותָם רָאשִׁים אֵלֶּה יָשְׁבוּ בִירוּשָׁלִָם׃ ס

דברי הימים א 8 : 29 (WLC)

וּבְגִבְעֹון יָשְׁבוּ אֲבִי גִבְעֹון וְשֵׁם אִשְׁתֹּו מַעֲכָה׃

דברי הימים א 8 : 30 (WLC)

וּבְנֹו הַבְּכֹור עַבְדֹּון וְצוּר וְקִישׁ וּבַעַל וְנָדָב׃

דברי הימים א 8 : 31 (WLC)

וּגְדֹור וְאַחְיֹו וָזָכֶר׃

דברי הימים א 8 : 32 (WLC)

וּמִקְלֹות הֹולִיד אֶת־שִׁמְאָה וְאַף־הֵמָּה נֶגֶד אֲחֵיהֶם יָשְׁבוּ בִירוּשָׁלִַם עִם־אֲחֵיהֶם׃ ס

דברי הימים א 8 : 33 (WLC)

וְנֵר הֹולִיד אֶת־קִישׁ וְקִישׁ הֹולִיד אֶת־שָׁאוּל וְשָׁאוּל הֹולִיד אֶת־יְהֹונָתָן וְאֶת־מַלְכִּי־שׁוּעַ וְאֶת־אֲבִינָדָב וְאֶת־אֶשְׁבָּעַל׃

דברי הימים א 8 : 34 (WLC)

וּבֶן־יְהֹונָתָן מְרִיב בָּעַל וּמְרִיב בַּעַל הֹולִיד אֶת־מִיכָה׃ ס

דברי הימים א 8 : 35 (WLC)

וּבְנֵי מִיכָה פִּיתֹון וָמֶלֶךְ וְתַאְרֵעַ וְאָחָז׃

דברי הימים א 8 : 36 (WLC)

וְאָחָז הֹולִיד אֶת־יְהֹועַדָּה וִיהֹועַדָּה הֹולִיד אֶת־עָלֶמֶת וְאֶת־עַזְמָוֶת וְאֶת־זִמְרִי וְזִמְרִי הֹולִיד אֶת־מֹוצָא׃

דברי הימים א 8 : 37 (WLC)

וּמֹוצָא הֹולִיד אֶת־בִּנְעָא רָפָה בְנֹו אֶלְעָשָׂה בְנֹו אָצֵל בְּנֹו׃

דברי הימים א 8 : 38 (WLC)

וּלְאָצֵל שִׁשָּׁה בָנִים וְאֵלֶּה שְׁמֹותָם עַזְרִיקָם ׀ בֹּכְרוּ וְיִשְׁמָעֵאל וּשְׁעַרְיָה וְעֹבַדְיָה וְחָנָן כָּל־אֵלֶּה בְּנֵי אָצַל׃

דברי הימים א 8 : 39 (WLC)

וּבְנֵי עֵשֶׁק אָחִיו אוּלָם בְּכֹרֹו יְעוּשׁ הַשֵּׁנִי וֶאֱלִיפֶלֶט הַשְּׁלִשִׁי׃

דברי הימים א 8 : 40 (WLC)

וַיִּהְיוּ בְנֵי־אוּלָם אֲנָשִׁים גִּבֹּרֵי־חַיִל דֹּרְכֵי קֶשֶׁת וּמַרְבִּים בָּנִים וּבְנֵי בָנִים מֵאָה וַחֲמִשִּׁים כָּל־אֵלֶּה מִבְּנֵי בִנְיָמִן׃ פ