Hebrew Bible Presentation Sharing - 1-Chronicles Book, chapter 8, verse 18 in Bhs Version

דברי הימים א 8 : 1 (BHS)

וּבִנְיָמִן הוֹלִיד אֶת־בֶּלַע בְּכֹרוֹ אַשְׁבֵּל הַשֵּׁנִי וְאַחְרַח הַשְּׁלִישִׁי ׃

דברי הימים א 8 : 2 (BHS)

נוֹחָה הָרְבִיעִי וְרָפָא הַחֲמִישִׁי ׃ ס

דברי הימים א 8 : 3 (BHS)

וַיִּהְיוּ בָנִים לְבָלַע אַדָּר וְגֵרָא וַאֲבִיהוּד ׃

דברי הימים א 8 : 4 (BHS)

וַאֲבִישׁוּעַ וְנַעֲמָן וַאֲחוֹחַ ׃

דברי הימים א 8 : 5 (BHS)

וְגֵרָא וּשְׁפוּפָן וְחוּרָם ׃

דברי הימים א 8 : 6 (BHS)

וְאֵלֶּה בְּנֵי אֵחוּד אֵלֶּה הֵם רָאשֵׁי אָבוֹת לְיוֹשְׁבֵי גֶבַע וַיַּגְלוּם אֶל־מָנָחַת ׃

דברי הימים א 8 : 7 (BHS)

וְנַעֲמָן וַאֲחִיָּה וְגֵרָא הוּא הֶגְלָם וְהוֹלִיד אֶת־עֻזָּא וְאֶת־אֲחִיחֻד ׃

דברי הימים א 8 : 8 (BHS)

וְשַׁחֲרַיִם הוֹלִיד בִּשְׂדֵה מוֹאָב מִן־שִׁלְחוֹ אֹתָם חוּשִׁים וְאֶת־בַּעֲרָא נָשָׁיו ׃

דברי הימים א 8 : 9 (BHS)

וַיּוֹלֶד מִן־חֹדֶשׁ אִשְׁתּוֹ אֶת־יוֹבָב וְאֶת־צִבְיָא וְאֶת־מֵישָׁא וְאֶת־מַלְכָּם ׃

דברי הימים א 8 : 10 (BHS)

וְאֶת־יְעוּץ וְאֶת־שָׂכְיָה וְאֶת־מִרְמָה אֵלֶּה בָנָיו רָאשֵׁי אָבוֹת ׃

דברי הימים א 8 : 11 (BHS)

וּמֵחֻשִׁים הוֹלִיד אֶת־אֲבִיטוּב וְאֶת־אֶלְפָּעַל ׃

דברי הימים א 8 : 12 (BHS)

וּבְנֵי אֶלְפַּעַל עֵבֶר וּמִשְׁעָם וָשָׁמֶד הוּא בָּנָה אֶת־אוֹנוֹ וְאֶת־לֹד וּבְנֹתֶיהָ ׃

דברי הימים א 8 : 13 (BHS)

וּבְרִעָה וָשֶׁמַע הֵמָּה רָאשֵׁי הָאָבוֹת לְיוֹשְׁבֵי אַיָּלוֹן הֵמָּה הִבְרִיחוּ אֶת־יוֹשְׁבֵי גַת ׃

דברי הימים א 8 : 14 (BHS)

וְאַחְיוֹ שָׁשָׁק וִירֵמוֹת ׃

דברי הימים א 8 : 15 (BHS)

וּזְבַדְיָה וַעֲרָד וָעָדֶר ׃

דברי הימים א 8 : 16 (BHS)

וּמִיכָאֵל וְיִשְׁפָּה וְיוֹחָא בְּנֵי בְרִיעָה ׃

דברי הימים א 8 : 17 (BHS)

וּזְבַדְיָה וּמְשֻׁלָּם וְחִזְקִי וָחָבֶר ׃

דברי הימים א 8 : 18 (BHS)

וְיִשְׁמְרַי וְיִזְלִיאָה וְיוֹבָב בְּנֵי אֶלְפָּעַל ׃

דברי הימים א 8 : 19 (BHS)

וְיָקִים וְזִכְרִי וְזַבְדִּי ׃

דברי הימים א 8 : 20 (BHS)

וֶאֱלִיעֵנַי וְצִלְּתַי וֶאֱלִיאֵל ׃

דברי הימים א 8 : 21 (BHS)

וַעֲדָיָה וּבְרָאיָה וְשִׁמְרָת בְּנֵי שִׁמְעִי ׃

דברי הימים א 8 : 22 (BHS)

וְיִשְׁפָּן וָעֵבֶר וֶאֱלִיאֵל ׃

דברי הימים א 8 : 23 (BHS)

וְעַבְדּוֹן וְזִכְרִי וְחָנָן ׃

דברי הימים א 8 : 24 (BHS)

וַחֲנַנְיָה וְעֵילָם וְעַנְתֹתִיָּה ׃

דברי הימים א 8 : 25 (BHS)

וְיִפְדְיָה וּפְנִיאֵל בְּנֵי שָׁשָׁק ׃

דברי הימים א 8 : 26 (BHS)

וְשַׁמְשְׁרַי וּשְׁחַרְיָה וַעֲתַלְיָה ׃

דברי הימים א 8 : 27 (BHS)

וְיַעֲרֶשְׁיָה וְאֵלִיָּה וְזִכְרִי בְּנֵי יְרֹחָם ׃

דברי הימים א 8 : 28 (BHS)

אֵלֶּה רָאשֵׁי אָבוֹת לְתֹלְדוֹתָם רָאשִׁים אֵלֶּה יָשְׁבוּ בִּירוּשָׁלָםִ ׃ ס

דברי הימים א 8 : 29 (BHS)

וּבְגִבְעוֹן יָשְׁבוּ אֲבִי גִבְעוֹן וְשֵׁם אִשְׁתּוֹ מַעֲכָה ׃

דברי הימים א 8 : 30 (BHS)

וּבְנוֹ הַבְּכוֹר עַבְדּוֹן וְצוּר וְקִישׁ וּבַעַל וְנָדָב ׃

דברי הימים א 8 : 31 (BHS)

וּגְדוֹר וְאַחְיוֹ וָזָכֶר ׃

דברי הימים א 8 : 32 (BHS)

וּמִקְלוֹת הוֹלִיד אֶת־שִׁמְאָה וְאַף־הֵמָּה נֶגֶד אֲחֵיהֶם יָשְׁבוּ בִירוּשָׁלַםִ עִם־אֲחֵיהֶם ׃ ס

דברי הימים א 8 : 33 (BHS)

וְנֵר הוֹלִיד אֶת־קִישׁ וְקִישׁ הוֹלִיד אֶת־שָׁאוּל וְשָׁאוּל הוֹלִיד אֶת־יְהוֹנָתָן וְאֶת־מַלְכִּי־שׁוּעַ וְאֶת־אֲבִינָדָב וְאֶת־אֶשְׁבָּעַל ׃

דברי הימים א 8 : 34 (BHS)

וּבֶן־יְהוֹנָתָן מְרִיב בָּעַל וּמְרִיב בַּעַל הוֹלִיד אֶת־מִיכָה ׃ ס

דברי הימים א 8 : 35 (BHS)

וּבְנֵי מִיכָה פִּיתוֹן וָמֶלֶךְ וְתַאְרֵעַ וְאָחָז ׃

דברי הימים א 8 : 36 (BHS)

וְאָחָז הוֹלִיד אֶת־יְהוֹעַדָּה וִיהוֹעַדָּה הוֹלִיד אֶת־עָלֶמֶת וְאֶת־עַזְמָוֶת וְאֶת־זִמְרִי וְזִמְרִי הוֹלִיד אֶת־מוֹצָא ׃

דברי הימים א 8 : 37 (BHS)

וּמוֹצָא הוֹלִיד אֶת־בִּנְעָא רָפָה בְנוֹ אֶלְעָשָׂה בְנוֹ אָצֵל בְּנוֹ ׃

דברי הימים א 8 : 38 (BHS)

וּלְאָצֵל שִׁשָּׁה בָנִים וְאֵלֶּה שְׁמוֹתָם עַזְרִיקָם בֹּכְרוּ וְיִשְׁמָעֵאל וּשְׁעַרְיָה וְעֹבַדְיָה וְחָנָן כָּל־אֵלֶּה בְּנֵי אָצַל ׃

דברי הימים א 8 : 39 (BHS)

וּבְנֵי עֵשֶׁק אָחִיו אוּלָם בְּכֹרוֹ יְעוּשׁ הַשֵּׁנִי וֶאֱלִיפֶלֶט הַשְּׁלִשִׁי ׃

דברי הימים א 8 : 40 (BHS)

וַיִּהְיוּ בְנֵי־אוּלָם אֲנָשִׁים גִּבֹּרֵי־חַיִל דֹּרְכֵי קֶשֶׁת וּמַרְבִּים בָּנִים וּבְנֵי בָנִים מֵאָה וַחֲמִשִּׁים כָּל־אֵלֶּה מִבְּנֵי בִנְיָמִן ׃ פ