תהלים 82 : 1 (ALEP)
א מזמור לאסף אלהים נצב בעדת-אל בקרב אלהים ישפט
תהלים 82 : 2 (ALEP)
ב עד-מתי תשפטו-עול ופני רשעים תשאו-סלה
תהלים 82 : 3 (ALEP)
ג שפטו-דל ויתום עני ורש הצדיקו
תהלים 82 : 4 (ALEP)
ד פלטו-דל ואביון מיד רשעים הצילו
תהלים 82 : 5 (ALEP)
ה לא ידעו ולא יבינו-- בחשכה יתהלכו ימוטו כל-מוסדי ארץ
תהלים 82 : 6 (ALEP)
ו אני-אמרתי אלהים אתם ובני עליון כלכם
תהלים 82 : 7 (ALEP)
ז אכן כאדם תמותון וכאחד השרים תפלו
תהלים 82 : 8 (ALEP)
ח קומה אלהים שפטה הארץ כי-אתה תנחל בכל-הגוים
❮
❯