תהלים 8 : 1 (ALEP)
א למנצח על-הגתית מזמור לדוד
תהלים 8 : 2 (ALEP)
ב יהוה אדנינו-- מה-אדיר שמך בכל-הארץ אשר תנה הודך על-השמים
תהלים 8 : 3 (ALEP)
ג מפי עוללים וינקים-- יסדת-עז למען צורריך להשבית אויב ומתנקם
תהלים 8 : 4 (ALEP)
ד כי-אראה שמיך מעשה אצבעתיך-- ירח וכוכבים אשר כוננתה
תהלים 8 : 5 (ALEP)
ה מה-אנוש כי-תזכרנו ובן-אדם כי תפקדנו
תהלים 8 : 6 (ALEP)
ו ותחסרהו מעט מאלהים וכבוד והדר תעטרהו
תהלים 8 : 7 (ALEP)
ז תמשילהו במעשי ידיך כל שתה תחת-רגליו
תהלים 8 : 8 (ALEP)
ח צנה ואלפים כלם וגם בהמות שדי
תהלים 8 : 9 (ALEP)
ט צפור שמים ודגי הים עבר ארחות ימים ()י יהוהאדנינו מה-אדירשמךבכל-הארץ
❮
❯