תהלים 79 : 1 (ALEP)
א מזמור לאסף אלהים באו גוים בנחלתך-- טמאו את היכל קדשך שמו את-ירושלם לעיים
תהלים 79 : 2 (ALEP)
ב נתנו את-נבלת עבדיך-- מאכל לעוף השמים בשר חסידיך לחיתו-ארץ
תהלים 79 : 3 (ALEP)
ג שפכו דמם כמים--סביבות ירושלם ואין קובר
תהלים 79 : 4 (ALEP)
ד היינו חרפה לשכנינו לעג וקלס לסביבותינו
תהלים 79 : 5 (ALEP)
ה עד-מה יהוה תאנף לנצח תבער כמו-אש קנאתך
תהלים 79 : 6 (ALEP)
ו שפך חמתך-- אל הגוים אשר לא-ידעוך ועל ממלכות-- אשר בשמך לא קראו
תהלים 79 : 7 (ALEP)
ז כי אכל את-יעקב ואת-נוהו השמו
תהלים 79 : 8 (ALEP)
ח אל-תזכר-לנו עונת ראשנים מהר יקדמונו רחמיך-- כי דלונו מאד
תהלים 79 : 9 (ALEP)
ט עזרנו אלהי ישענו-- על-דבר כבוד-שמך והצילנו וכפר על-חטאתינו למען שמך
תהלים 79 : 10 (ALEP)
י למה יאמרו הגוים-- איה אלהיהם יודע בגיים (בגוים) לעינינו נקמת דם-עבדיך השפוך
תהלים 79 : 11 (ALEP)
יא תבוא לפניך אנקת אסיר כגדל זרועך--הותר בני תמותה
תהלים 79 : 12 (ALEP)
יב והשב לשכנינו שבעתים אל-חיקם חרפתם אשר חרפוך אדני
תהלים 79 : 13 (ALEP)
יג ואנחנו עמך וצאן מרעיתך-- נודה לך לעולם לדר ודר-- נספר תהלתך
❮
❯
1
2
3
4
5
6
7
8
9
10
11
12
13