תהלים 75 : 1 (ALEP)
א למנצח אל-תשחת מזמור לאסף שיר
תהלים 75 : 2 (ALEP)
ב הודינו לך אלהים--הודינו וקרוב שמך ספרו נפלאותיך
תהלים 75 : 3 (ALEP)
ג כי אקח מועד אני מישרים אשפט
תהלים 75 : 4 (ALEP)
ד נמגים ארץ וכל-ישביה אנכי תכנתי עמודיה סלה
תהלים 75 : 5 (ALEP)
ה אמרתי להוללים אל-תהלו ולרשעים אל-תרימו קרן
תהלים 75 : 6 (ALEP)
ו אל-תרימו למרום קרנכם תדברו בצואר עתק
תהלים 75 : 7 (ALEP)
ז כי לא ממוצא וממערב ולא ממדבר הרים
תהלים 75 : 8 (ALEP)
ח כי-אלהים שפט זה ישפיל וזה ירים
תהלים 75 : 9 (ALEP)
ט כי כוס ביד-יהוה ויין חמר מלא מסך-- ויגר מזה אך-שמריה ימצו ישתו כל רשעי-ארץ
תהלים 75 : 10 (ALEP)
י ואני אגיד לעלם אזמרה לאלהי יעקב ()יא וכל-קרנירשעיםאגדע תרוממנהקרנותצדיק
❮
❯