תהלים 74 : 1 (ALEP)
א משכיל לאסף למה אלהים זנחת לנצח יעשן אפך בצאן מרעיתך
תהלים 74 : 2 (ALEP)
ב זכר עדתך קנית קדם-- גאלת שבט נחלתך הר-ציון זה שכנת בו
תהלים 74 : 3 (ALEP)
ג הרימה פעמיך למשאות נצח כל-הרע אויב בקדש
תהלים 74 : 4 (ALEP)
ד שאגו צרריך בקרב מועדך שמו אותתם אתות
תהלים 74 : 5 (ALEP)
ה יודע כמביא למעלה בסבך-עץ קרדמות
תהלים 74 : 6 (ALEP)
ו ועת (ועתה) פתוחיה יחד-- בכשיל וכילפות יהלמון
תהלים 74 : 7 (ALEP)
ז שלחו באש מקדשך לארץ חללו משכן-שמך
תהלים 74 : 8 (ALEP)
ח אמרו בלבם נינם יחד שרפו כל-מועדי-אל בארץ
תהלים 74 : 9 (ALEP)
ט אותתינו לא ראינו אין-עוד נביא ולא-אתנו ידע עד-מה
תהלים 74 : 10 (ALEP)
י עד-מתי אלהים יחרף צר ינאץ אויב שמך לנצח
תהלים 74 : 11 (ALEP)
יא למה תשיב ידך וימינך מקרב חוקך (חיקך) כלה
תהלים 74 : 12 (ALEP)
יב ואלהים מלכי מקדם פעל ישועות בקרב הארץ
תהלים 74 : 13 (ALEP)
יג אתה פוררת בעזך ים שברת ראשי תנינים על-המים
תהלים 74 : 14 (ALEP)
יד אתה רצצת ראשי לויתן תתננו מאכל לעם לציים
תהלים 74 : 15 (ALEP)
טו אתה בקעת מעין ונחל אתה הובשת נהרות איתן
תהלים 74 : 16 (ALEP)
טז לך יום אף-לך לילה אתה הכינות מאור ושמש
תהלים 74 : 17 (ALEP)
יז אתה הצבת כל-גבולות ארץ קיץ וחרף אתה יצרתם
תהלים 74 : 18 (ALEP)
יח זכר-זאת--אויב חרף יהוה ועם נבל נאצו שמך
תהלים 74 : 19 (ALEP)
יט אל-תתן לחית נפש תורך חית ענייך אל-תשכח לנצח
תהלים 74 : 20 (ALEP)
כ הבט לברית כי מלאו מחשכי-ארץ נאות חמס
תהלים 74 : 21 (ALEP)
כא אל-ישב דך נכלם עני ואביון יהללו שמך
תהלים 74 : 22 (ALEP)
כב קומה אלהים ריבה ריבך זכר חרפתך מני-נבל כל-היום
תהלים 74 : 23 (ALEP)
כג אל-תשכח קול צרריך שאון קמיך עלה תמיד
❮
❯