תהלים 69 : 1 (ALEP)
א למנצח על-שושנים לדוד
תהלים 69 : 2 (ALEP)
ב הושיעני אלהים-- כי באו מים עד-נפש
תהלים 69 : 3 (ALEP)
ג טבעתי ביון מצולה-- ואין מעמד באתי במעמקי-מים ושבלת שטפתני
תהלים 69 : 4 (ALEP)
ד יגעתי בקראי נחר גרוני כלו עיני--מיחל לאלהי
תהלים 69 : 5 (ALEP)
ה רבו משערות ראשי-- שנאי חנם עצמו מצמיתי איבי שקר-- אשר לא-גזלתי אז אשיב
תהלים 69 : 6 (ALEP)
ו אלהים--אתה ידעת לאולתי ואשמותי ממך לא-נכחדו
תהלים 69 : 7 (ALEP)
ז אל-יבשו בי קויך-- אדני יהוה צבאות אל-יכלמו בי מבקשיך-- אלהי ישראל
תהלים 69 : 8 (ALEP)
ח כי-עליך נשאתי חרפה כסתה כלמה פני
תהלים 69 : 9 (ALEP)
ט מוזר הייתי לאחי ונכרי לבני אמי
תהלים 69 : 10 (ALEP)
י כי-קנאת ביתך אכלתני וחרפות חורפיך נפלו עלי
תהלים 69 : 11 (ALEP)
יא ואבכה בצום נפשי ותהי לחרפות לי
תהלים 69 : 12 (ALEP)
יב ואתנה לבושי שק ואהי להם למשל
תהלים 69 : 13 (ALEP)
יג ישיחו בי ישבי שער ונגינות שותי שכר
תהלים 69 : 14 (ALEP)
יד ואני תפלתי-לך יהוה עת רצון-- אלהים ברב-חסדך ענני באמת ישעך
תהלים 69 : 15 (ALEP)
טו הצילני מטיט ואל-אטבעה אנצלה משנאי וממעמקי מים
תהלים 69 : 16 (ALEP)
טז אל-תשטפני שבלת מים-- ואל-תבלעני מצולה ואל-תאטר-עלי באר פיה
תהלים 69 : 17 (ALEP)
יז ענני יהוה כי-טוב חסדך כרב רחמיך פנה אלי
תהלים 69 : 18 (ALEP)
יח ואל-תסתר פניך מעבדך כי-צר-לי מהר ענני
תהלים 69 : 19 (ALEP)
יט קרבה אל-נפשי גאלה למען איבי פדני
תהלים 69 : 20 (ALEP)
כ אתה ידעת--חרפתי ובשתי וכלמתי נגדך כל-צוררי
תהלים 69 : 21 (ALEP)
כא חרפה שברה לבי-- ואנושה ואקוה לנוד ואין ולמנחמים ולא מצאתי
תהלים 69 : 22 (ALEP)
כב ויתנו בברותי ראש ולצמאי ישקוני חמץ
תהלים 69 : 23 (ALEP)
כג יהי-שלחנם לפניהם לפח ולשלומים למוקש
תהלים 69 : 24 (ALEP)
כד תחשכנה עיניהם מראות ומתניהם תמיד המעד
תהלים 69 : 25 (ALEP)
כה שפך-עליהם זעמך וחרון אפך ישיגם
תהלים 69 : 26 (ALEP)
כו תהי-טירתם נשמה באהליהם אל-יהי ישב
תהלים 69 : 27 (ALEP)
כז כי-אתה אשר-הכית רדפו ואל-מכאוב חלליך יספרו
תהלים 69 : 28 (ALEP)
כח תנה-עון על-עונם ואל-יבאו בצדקתך
תהלים 69 : 29 (ALEP)
כט ימחו מספר חיים ועם צדיקים אל-יכתבו
תהלים 69 : 30 (ALEP)
ל ואני עני וכואב ישועתך אלהים תשגבני
תהלים 69 : 31 (ALEP)
לא אהללה שם-אלהים בשיר ואגדלנו בתודה
תהלים 69 : 32 (ALEP)
לב ותיטב ליהוה משור פר מקרן מפריס
תהלים 69 : 33 (ALEP)
לג ראו ענוים ישמחו דרשי אלהים ויחי לבבכם
תהלים 69 : 34 (ALEP)
לד כי-שמע אל-אביונים יהוה ואת-אסיריו לא בזה
תהלים 69 : 35 (ALEP)
לה יהללוהו שמים וארץ ימים וכל-רמש בם
תהלים 69 : 36 (ALEP)
לו כי אלהים יושיע ציון ויבנה ערי יהודה וישבו שם וירשוה ()לז וזרעעבדיוינחלוה ואהבישמוישכנו-בה
❮
❯