תהלים 63 : 1 (ALEP)
א מזמור לדוד בהיותו במדבר יהודה
תהלים 63 : 2 (ALEP)
ב אלהים אלי אתה-- אשחרך צמאה לך נפשי-- כמה לך בשרי בארץ-ציה ועיף בלי-מים
תהלים 63 : 3 (ALEP)
ג כן בקדש חזיתך-- לראות עזך וכבודך
תהלים 63 : 4 (ALEP)
ד כי-טוב חסדך מחיים שפתי ישבחונך
תהלים 63 : 5 (ALEP)
ה כן אברכך בחיי בשמך אשא כפי
תהלים 63 : 6 (ALEP)
ו כמו חלב ודשן תשבע נפשי ושפתי רננות יהלל-פי
תהלים 63 : 7 (ALEP)
ז אם-זכרתיך על-יצועי-- באשמרות אהגה-בך
תהלים 63 : 8 (ALEP)
ח כי-היית עזרתה לי ובצל כנפיך ארנן
תהלים 63 : 9 (ALEP)
ט דבקה נפשי אחריך בי תמכה ימינך
תהלים 63 : 10 (ALEP)
י והמה--לשואה יבקשו נפשי יבאו בתחתיות הארץ
תהלים 63 : 11 (ALEP)
יא יגירהו על-ידי-חרב מנת שעלים יהיו ()יב והמלך ישמחבאלהיםיתהללכל-הנשבעבו כייסכרפידוברי-שקר
❮
❯