תהלים 57 : 1 (ALEP)
א למנצח אל-תשחת לדוד מכתם-- בברחו מפני-שאול במערה
תהלים 57 : 2 (ALEP)
ב חנני אלהים חנני-- כי בך חסיה נפשי ובצל-כנפיך אחסה-- עד יעבר הוות
תהלים 57 : 3 (ALEP)
ג אקרא לאלהים עליון לאל גמר עלי
תהלים 57 : 4 (ALEP)
ד ישלח משמים ויושיעני-- חרף שאפי סלה ישלח אלהים חסדו ואמתו
תהלים 57 : 5 (ALEP)
ה נפשי בתוך לבאם-- אשכבה להטים בני-אדם--שניהם חנית וחצים ולשונם חרב חדה
תהלים 57 : 6 (ALEP)
ו רומה על-השמים אלהים על כל-הארץ כבודך
תהלים 57 : 7 (ALEP)
ז רשת הכינו לפעמי-- כפף נפשי כרו לפני שיחה נפלו בתוכה סלה
תהלים 57 : 8 (ALEP)
ח נכון לבי אלהים נכון לבי אשירה ואזמרה
תהלים 57 : 9 (ALEP)
ט עורה כבודי--עורה הנבל וכנור אעירה שחר
תהלים 57 : 10 (ALEP)
י אודך בעמים אדני אזמרך בלאמים
תהלים 57 : 11 (ALEP)
יא כי-גדל עד-שמים חסדך ועד-שחקים אמתך ()יב רומהעל-שמיםאלהים עלכל-הארץכבודך
❮
❯