תהלים 55 : 1 (ALEP)
א למנצח בנגינת משכיל לדוד
תהלים 55 : 2 (ALEP)
ב האזינה אלהים תפלתי ואל-תתעלם מתחנתי
תהלים 55 : 3 (ALEP)
ג הקשיבה לי וענני אריד בשיחי ואהימה
תהלים 55 : 4 (ALEP)
ד מקול אויב--מפני עקת רשע כי-ימיטו עלי און ובאף ישטמוני
תהלים 55 : 5 (ALEP)
ה לבי יחיל בקרבי ואימות מות נפלו עלי
תהלים 55 : 6 (ALEP)
ו יראה ורעד יבא בי ותכסני פלצות
תהלים 55 : 7 (ALEP)
ז ואמר--מי-יתן-לי אבר כיונה אעופה ואשכנה
תהלים 55 : 8 (ALEP)
ח הנה ארחיק נדד אלין במדבר סלה
תהלים 55 : 9 (ALEP)
ט אחישה מפלט לי-- מרוח סעה מסער
תהלים 55 : 10 (ALEP)
י בלע אדני פלג לשונם כי-ראיתי חמס וריב בעיר
תהלים 55 : 11 (ALEP)
יא יומם ולילה--יסובבה על-חומתיה ואון ועמל בקרבה
תהלים 55 : 12 (ALEP)
יב הוות בקרבה ולא-ימיש מרחבה תך ומרמה
תהלים 55 : 13 (ALEP)
יג כי לא-אויב יחרפני ואשא לא-משנאי עלי הגדיל ואסתר ממנו
תהלים 55 : 14 (ALEP)
יד ואתה אנוש כערכי אלופי ומידעי
תהלים 55 : 15 (ALEP)
טו אשר יחדו נמתיק סוד בבית אלהים נהלך ברגש
תהלים 55 : 16 (ALEP)
טז ישימות (ישי מות) עלימו--ירדו שאול חיים כי-רעות במגורם בקרבם
תהלים 55 : 17 (ALEP)
יז אני אל-אלהים אקרא ויהוה יושיעני
תהלים 55 : 18 (ALEP)
יח ערב ובקר וצהרים אשיחה ואהמה וישמע קולי
תהלים 55 : 19 (ALEP)
יט פדה בשלום נפשי מקרב-לי כי-ברבים היו עמדי
תהלים 55 : 20 (ALEP)
כ ישמע אל ויענם-- וישב קדם סלה אשר אין חליפות למו ולא יראו אלהים
תהלים 55 : 21 (ALEP)
כא שלח ידיו בשלמיו חלל בריתו
תהלים 55 : 22 (ALEP)
כב חלקו מחמאת פיו-- וקרב-לבו רכו דבריו משמן והמה פתחות
תהלים 55 : 23 (ALEP)
כג השלך על-יהוה יהבך-- והוא יכלכלך לא-יתן לעולם מוט-- לצדיק [ ( ) כד ואתה אלהים תורדם לבאר שחת-- אנשי דמים ומרמה לא-יחצו ימיהם ואני אבטח-בך ]
❮
❯