תהלים 5 : 1 (ALEP)
א למנצח אל-הנחילות מזמור לדוד
תהלים 5 : 2 (ALEP)
ב אמרי האזינה יהוה בינה הגיגי
תהלים 5 : 3 (ALEP)
ג הקשיבה לקול שועי--מלכי ואלהי כי-אליך אתפלל
תהלים 5 : 4 (ALEP)
ד יהוה--בקר תשמע קולי בקר אערך-לך ואצפה
תהלים 5 : 5 (ALEP)
ה כי לא אל חפץ רשע אתה לא יגרך רע
תהלים 5 : 6 (ALEP)
ו לא-יתיצבו הוללים לנגד עיניך שנאת כל-פעלי און
תהלים 5 : 7 (ALEP)
ז תאבד דברי כזב איש-דמים ומרמה יתעב יהוה
תהלים 5 : 8 (ALEP)
ח ואני--ברב חסדך אבוא ביתך אשתחוה אל-היכל-קדשך ביראתך
תהלים 5 : 9 (ALEP)
ט יהוה נחני בצדקתך--למען שוררי הושר (הישר) לפני דרכך
תהלים 5 : 10 (ALEP)
י כי אין בפיהו נכונה--קרבם הוות קבר-פתוח גרנם לשונם יחליקון
תהלים 5 : 11 (ALEP)
יא האשימם אלהים-- יפלו ממעצותיהם ברב פשעיהם הדיחמו-- כי-מרו בך
תהלים 5 : 12 (ALEP)
יב וישמחו כל-חוסי בך לעולם ירננו-- ותסך עלימו ויעלצו בך אהבי שמך ()יג כי-אתהתברךצדיק יהוה--כצנהרצוןתעטרנו
❮
❯
1
2
3
4
5
6
7
8
9
10
11
12