תהלים 32 : 1 (ALEP)
א לדוד משכיל אשרי נשוי-פשע כסוי חטאה
תהלים 32 : 2 (ALEP)
ב אשרי אדם--לא יחשב יהוה לו עון ואין ברוחו רמיה
תהלים 32 : 3 (ALEP)
ג כי-החרשתי בלו עצמי-- בשאגתי כל-היום
תהלים 32 : 4 (ALEP)
ד כי יומם ולילה-- תכבד עלי ידך נהפך לשדי-- בחרבני קיץ סלה
תהלים 32 : 5 (ALEP)
ה חטאתי אודיעך ועוני לא-כסיתי-- אמרתי אודה עלי פשעי ליהוה ואתה נשאת עון חטאתי סלה
תהלים 32 : 6 (ALEP)
ו על-זאת יתפלל כל-חסיד אליך-- לעת מצא רק לשטף מים רבים-- אליו לא יגיעו
תהלים 32 : 7 (ALEP)
ז אתה סתר לי-- מצר תצרני רני פלט תסובבני סלה
תהלים 32 : 8 (ALEP)
ח אשכילך ואורך--בדרך-זו תלך איעצה עליך עיני
תהלים 32 : 9 (ALEP)
ט אל-תהיו כסוס כפרד-- אין הבין במתג-ורסן עדיו לבלום בל קרב אליך
תהלים 32 : 10 (ALEP)
י רבים מכאובים לרשע והבוטח ביהוה--חסד יסובבנו
תהלים 32 : 11 (ALEP)
יא שמחו ביהוה וגילו צדיקים והרנינו כל-ישרי-לב
❮
❯