תהלים 31 : 1 (ALEP)
א למנצח מזמור לדוד
תהלים 31 : 2 (ALEP)
ב בך-יהוה חסיתי אל-אבושה לעולם בצדקתך פלטני
תהלים 31 : 3 (ALEP)
ג הטה אלי אזנך-- מהרה הצילני היה לי לצור-מעוז--לבית מצודות להושיעני
תהלים 31 : 4 (ALEP)
ד כי-סלעי ומצודתי אתה ולמען שמך תנחני ותנהלני
תהלים 31 : 5 (ALEP)
ה תוציאני--מרשת זו טמנו לי כי-אתה מעוזי
תהלים 31 : 6 (ALEP)
ו בידך אפקיד רוחי פדית אותי יהוה--אל אמת
תהלים 31 : 7 (ALEP)
ז שנאתי השמרים הבלי-שוא ואני אל-יהוה בטחתי
תהלים 31 : 8 (ALEP)
ח אגילה ואשמחה בחסדך אשר ראית את-עניי ידעת בצרות נפשי
תהלים 31 : 9 (ALEP)
ט ולא הסגרתני ביד-אויב העמדת במרחב רגלי
תהלים 31 : 10 (ALEP)
י חנני יהוה כי צר-לי עששה בכעס עיני נפשי ובטני
תהלים 31 : 11 (ALEP)
יא כי כלו ביגון חיי-- ושנותי באנחה כשל בעוני כחי ועצמי עששו
תהלים 31 : 12 (ALEP)
יב מכל-צררי הייתי חרפה ולשכני מאד-- ופחד למידעי ראי בחוץ-- נדדו ממני
תהלים 31 : 13 (ALEP)
יג נשכחתי כמת מלב הייתי ככלי אבד
תהלים 31 : 14 (ALEP)
יד כי שמעתי דבת רבים-- מגור מסביב בהוסדם יחד עלי לקחת נפשי זממו
תהלים 31 : 15 (ALEP)
טו ואני עליך בטחתי יהוה אמרתי אלהי אתה
תהלים 31 : 16 (ALEP)
טז בידך עתתי הצילני מיד-אויבי ומרדפי
תהלים 31 : 17 (ALEP)
יז האירה פניך על-עבדך הושיעני בחסדך
תהלים 31 : 18 (ALEP)
יח יהוה--אל-אבושה כי קראתיך יבשו רשעים ידמו לשאול
תהלים 31 : 19 (ALEP)
יט תאלמנה שפתי-שקר הדברות על-צדיק עתק--בגאוה ובוז
תהלים 31 : 20 (ALEP)
כ מה רב-טובך אשר-צפנת ליראיך פעלת לחסים בך נגד בני אדם
תהלים 31 : 21 (ALEP)
כא תסתירם בסתר פניך-- מרכסי-איש תצפנם בסכה מריב לשנות
תהלים 31 : 22 (ALEP)
כב ברוך יהוה כי הפליא חסדו לי בעיר מצור
תהלים 31 : 23 (ALEP)
כג ואני אמרתי בחפזי-- נגרזתי מנגד עיניך אכן--שמעת קול תחנוני בשועי אליך
תהלים 31 : 24 (ALEP)
כד אהבו את-יהוה כל-חסידיו אמונים נצר יהוה ומשלם על-יתר עשה גאוה [ ( ) כה חזקו ויאמץ לבבכם-- כל-המיחלים ליהוה ]
❮
❯