תהלים 28 : 1 (ALEP)
א לדוד אליך יהוה אקרא-- צורי אל-תחרש ממני פן-תחשה ממני ונמשלתי עם-יורדי בור
תהלים 28 : 2 (ALEP)
ב שמע קול תחנוני בשועי אליך בנשאי ידי אל-דביר קדשך
תהלים 28 : 3 (ALEP)
ג אל-תמשכני עם-רשעים ועם-פעלי-און דברי שלום עם-רעיהם ורעה בלבבם
תהלים 28 : 4 (ALEP)
ד תן-להם כפעלם וכרע מעלליהם כמעשה ידיהם תן להם השב גמולם להם
תהלים 28 : 5 (ALEP)
ה כי לא יבינו אל-פעלת יהוה-- ואל-מעשה ידיו יהרסם ולא יבנם
תהלים 28 : 6 (ALEP)
ו ברוך יהוה כי-שמע קול תחנוני
תהלים 28 : 7 (ALEP)
ז יהוה עזי ומגני-- בו בטח לבי ונעזרתי ויעלז לבי ומשירי אהודנו
תהלים 28 : 8 (ALEP)
ח יהוה עז-למו ומעוז ישועות משיחו הוא
תהלים 28 : 9 (ALEP)
ט הושיעה את-עמך-- וברך את-נחלתך ורעם ונשאם עד-העולם
❮
❯