תהלים 143 : 1 (ALEP)
א מזמור לדוד יהוה שמע תפלתי-- האזינה אל-תחנוני באמנתך ענני בצדקתך
תהלים 143 : 2 (ALEP)
ב ואל-תבוא במשפט את-עבדך כי לא-יצדק לפניך כל-חי
תהלים 143 : 3 (ALEP)
ג כי רדף אויב נפשי-- דכא לארץ חיתי הושבני במחשכים כמתי עולם
תהלים 143 : 4 (ALEP)
ד ותתעטף עלי רוחי בתוכי ישתומם לבי
תהלים 143 : 5 (ALEP)
ה זכרתי ימים מקדם-- הגיתי בכל-פעלך במעשה ידיך אשוחח
תהלים 143 : 6 (ALEP)
ו פרשתי ידי אליך נפשי כארץ-עיפה לך סלה
תהלים 143 : 7 (ALEP)
ז מהר ענני יהוה-- כלתה רוחי אל-תסתר פניך ממני ונמשלתי עם-ירדי בור
תהלים 143 : 8 (ALEP)
ח השמיעני בבקר חסדך-- כי-בך בטחתי הודיעני דרך-זו אלך-- כי-אליך נשאתי נפשי
תהלים 143 : 9 (ALEP)
ט הצילני מאיבי יהוה-- אליך כסתי
תהלים 143 : 10 (ALEP)
י למדני לעשות רצונך-- כי-אתה אלוהי רוחך טובה תנחני בארץ מישור
תהלים 143 : 11 (ALEP)
יא למען-שמך יהוה תחיני בצדקתך תוציא מצרה נפשי
תהלים 143 : 12 (ALEP)
יב ובחסדך תצמית איבי והאבדת כל-צררי נפשי--כי אני עבדך
❮
❯
1
2
3
4
5
6
7
8
9
10
11
12