תהלים 138 : 1 (ALEP)
א לדוד אודך בכל-לבי נגד אלהים אזמרך
תהלים 138 : 2 (ALEP)
ב אשתחוה אל-היכל קדשך ואודה את-שמך-- על-חסדך ועל-אמתך כי-הגדלת על-כל-שמך אמרתך
תהלים 138 : 3 (ALEP)
ג ביום קראתי ותענני תרהבני בנפשי עז
תהלים 138 : 4 (ALEP)
ד יודוך יהוה כל-מלכי-ארץ כי שמעו אמרי-פיך
תהלים 138 : 5 (ALEP)
ה וישירו בדרכי יהוה כי-גדול כבוד יהוה
תהלים 138 : 6 (ALEP)
ו כי-רם יהוה ושפל יראה וגבה ממרחק יידע
תהלים 138 : 7 (ALEP)
ז אם-אלך בקרב צרה-- תחיני על אף איבי תשלח ידך ותושיעני ימינך
תהלים 138 : 8 (ALEP)
ח יהוה יגמר בעדי יהוה חסדך לעולם מעשי ידיך אל-תרף
❮
❯