תהלים 130 : 1 (ALEP)
א שיר המעלות ממעמקים קראתיך יהוה
תהלים 130 : 2 (ALEP)
ב אדני שמעה בקולי תהיינה אזניך קשבות-- לקול תחנוני
תהלים 130 : 3 (ALEP)
ג אם-עונות תשמר-יה-- אדני מי יעמד
תהלים 130 : 4 (ALEP)
ד כי-עמך הסליחה-- למען תורא
תהלים 130 : 5 (ALEP)
ה קויתי יהוה קותה נפשי ולדברו הוחלתי
תהלים 130 : 6 (ALEP)
ו נפשי לאדני-- משמרים לבקר שמרים לבקר
תהלים 130 : 7 (ALEP)
ז יחל ישראל אל-יהוה כי-עם-יהוה החסד והרבה עמו פדות
תהלים 130 : 8 (ALEP)
ח והוא יפדה את-ישראל-- מכל עונתיו
❮
❯