תהלים 129 : 1 (ALEP)
א שיר המעלות רבת צררוני מנעורי-- יאמר-נא ישראל
תהלים 129 : 2 (ALEP)
ב רבת צררוני מנעורי גם לא-יכלו לי
תהלים 129 : 3 (ALEP)
ג על-גבי חרשו חרשים האריכו למענותם (למעניתם)
תהלים 129 : 4 (ALEP)
ד יהוה צדיק קצץ עבות רשעים
תהלים 129 : 5 (ALEP)
ה יבשו ויסגו אחור-- כל שנאי ציון
תהלים 129 : 6 (ALEP)
ו יהיו כחציר גגות-- שקדמת שלף יבש
תהלים 129 : 7 (ALEP)
ז שלא מלא כפו קוצר וחצנו מעמר
תהלים 129 : 8 (ALEP)
ח ולא אמרו העברים-- ברכת-יהוה אליכם ברכנו אתכם בשם יהוה
❮
❯