תהלים 112 : 1 (ALEP)
א הללו-יה אשרי-איש ירא את-יהוה במצותיו חפץ מאד
תהלים 112 : 2 (ALEP)
ב גבור בארץ יהיה זרעו דור ישרים יברך
תהלים 112 : 3 (ALEP)
ג הון-ועשר בביתו וצדקתו עמדת לעד
תהלים 112 : 4 (ALEP)
ד זרח בחשך אור לישרים חנון ורחום וצדיק
תהלים 112 : 5 (ALEP)
ה טוב-איש חונן ומלוה יכלכל דבריו במשפט
תהלים 112 : 6 (ALEP)
ו כי-לעולם לא-ימוט לזכר עולם יהיה צדיק
תהלים 112 : 7 (ALEP)
ז משמועה רעה לא יירא נכון לבו בטח ביהוה
תהלים 112 : 8 (ALEP)
ח סמוך לבו לא יירא עד אשר-יראה בצריו
תהלים 112 : 9 (ALEP)
ט פזר נתן לאביונים-- צדקתו עמדת לעד קרנו תרום בכבוד
תהלים 112 : 10 (ALEP)
י רשע יראה וכעס-- שניו יחרק ונמס תאות רשעים תאבד
❮
❯