תהלים 110 : 1 (ALEP)
א לדוד מזמור נאם יהוה לאדני--שב לימיני עד-אשית איביך הדם לרגליך
תהלים 110 : 2 (ALEP)
ב מטה-עזך--ישלח יהוה מציון רדה בקרב איביך
תהלים 110 : 3 (ALEP)
ג עמך נדבת ביום חילך בהדרי-קדש מרחם משחר לך טל ילדתיך
תהלים 110 : 4 (ALEP)
ד נשבע יהוה ולא ינחם-- אתה-כהן לעולם על-דברתי מלכי-צדק
תהלים 110 : 5 (ALEP)
ה אדני על-ימינך מחץ ביום-אפו מלכים
תהלים 110 : 6 (ALEP)
ו ידין בגוים מלא גויות מחץ ראש על-ארץ רבה
תהלים 110 : 7 (ALEP)
ז מנחל בדרך ישתה על-כן ירים ראש
❮
❯