תהלים 102 : 1 (ALEP)
א תפלה לעני כי-יעטף-- ולפני יהוה ישפך שיחו
תהלים 102 : 2 (ALEP)
ב יהוה שמעה תפלתי ושועתי אליך תבוא
תהלים 102 : 3 (ALEP)
ג אל-תסתר פניך ממני-- ביום צר-לי הטה-אלי אזנך ביום אקרא מהר ענני
תהלים 102 : 4 (ALEP)
ד כי-כלו בעשן ימי ועצמותי כמוקד נחרו
תהלים 102 : 5 (ALEP)
ה הוכה-כעשב ויבש לבי כי-שכחתי מאכל לחמי
תהלים 102 : 6 (ALEP)
ו מקול אנחתי-- דבקה עצמי לבשרי
תהלים 102 : 7 (ALEP)
ז דמיתי לקאת מדבר הייתי ככוס חרבות
תהלים 102 : 8 (ALEP)
ח שקדתי ואהיה-- כצפור בודד על-גג
תהלים 102 : 9 (ALEP)
ט כל-היום חרפוני אויבי מהוללי בי נשבעו
תהלים 102 : 10 (ALEP)
י כי-אפר כלחם אכלתי ושקוי בבכי מסכתי
תהלים 102 : 11 (ALEP)
יא מפני-זעמך וקצפך-- כי נשאתני ותשליכני
תהלים 102 : 12 (ALEP)
יב ימי כצל נטוי ואני כעשב איבש
תהלים 102 : 13 (ALEP)
יג ואתה יהוה לעולם תשב וזכרך לדר ודר
תהלים 102 : 14 (ALEP)
יד אתה תקום תרחם ציון כי-עת לחננה כי-בא מועד
תהלים 102 : 15 (ALEP)
טו כי-רצו עבדיך את-אבניה ואת-עפרה יחננו
תהלים 102 : 16 (ALEP)
טז וייראו גוים את-שם יהוה וכל-מלכי הארץ את-כבודך
תהלים 102 : 17 (ALEP)
יז כי-בנה יהוה ציון-- נראה בכבודו
תהלים 102 : 18 (ALEP)
יח פנה אל-תפלת הערער ולא-בזה את-תפלתם
תהלים 102 : 19 (ALEP)
יט תכתב זאת לדור אחרון ועם נברא יהלל-יה
תהלים 102 : 20 (ALEP)
כ כי-השקיף ממרום קדשו יהוה משמים אל-ארץ הביט
תהלים 102 : 21 (ALEP)
כא לשמע אנקת אסיר לפתח בני תמותה
תהלים 102 : 22 (ALEP)
כב לספר בציון שם יהוה ותהלתו בירושלם
תהלים 102 : 23 (ALEP)
כג בהקבץ עמים יחדו וממלכות לעבד את-יהוה
תהלים 102 : 24 (ALEP)
כד ענה בדרך כחו (כחי) קצר ימי
תהלים 102 : 25 (ALEP)
כה אמר--אלי אל תעלני בחצי ימי בדור דורים שנותיך
תהלים 102 : 26 (ALEP)
כו לפנים הארץ יסדת ומעשה ידיך שמים
תהלים 102 : 27 (ALEP)
כז המה יאבדו-- ואתה תעמד וכלם כבגד יבלו כלבוש תחליפם ויחלפו
תהלים 102 : 28 (ALEP)
כח ואתה-הוא ושנותיך לא יתמו [ ( ) כט בני-עבדיך ישכונו וזרעם לפניך יכון ]
❮
❯