תהלים 101 : 1 (ALEP)
א לדוד מזמור חסד-ומשפט אשירה לך יהוה אזמרה
תהלים 101 : 2 (ALEP)
ב אשכילה בדרך תמים-- מתי תבוא אלי אתהלך בתם-לבבי בקרב ביתי
תהלים 101 : 3 (ALEP)
ג לא-אשית לנגד עיני-- דבר-בליעל עשה-סטים שנאתי לא ידבק בי
תהלים 101 : 4 (ALEP)
ד לבב עקש יסור ממני רע לא אדע
תהלים 101 : 5 (ALEP)
ה מלושני (מלשני) בסתר רעהו-- אותו אצמית גבה-עינים ורחב לבב-- אתו לא אוכל
תהלים 101 : 6 (ALEP)
ו עיני בנאמני-ארץ-- לשבת עמדי הלך בדרך תמים-- הוא ישרתני
תהלים 101 : 7 (ALEP)
ז לא-ישב בקרב ביתי-- עשה רמיה דבר שקרים-- לא-יכון לנגד עיני
תהלים 101 : 8 (ALEP)
ח לבקרים אצמית כל-רשעי-ארץ להכרית מעיר-יהוה כל-פעלי און
❮
❯