משלי 21 : 1 (ALEP)
א פלגי-מים לב-מלך ביד-יהוה על-כל-אשר יחפץ יטנו
משלי 21 : 2 (ALEP)
ב כל-דרך-איש ישר בעיניו ותכן לבות יהוה
משלי 21 : 3 (ALEP)
ג עשה צדקה ומשפט-- נבחר ליהוה מזבח
משלי 21 : 4 (ALEP)
ד רום-עינים ורחב-לב-- נר רשעים חטאת
משלי 21 : 5 (ALEP)
ה מחשבות חרוץ אך-למותר וכל-אץ אך-למחסור
משלי 21 : 6 (ALEP)
ו פעל אצרות בלשון שקר-- הבל נדף מבקשי-מות
משלי 21 : 7 (ALEP)
ז שד-רשעים יגורם כי מאנו לעשות משפט
משלי 21 : 8 (ALEP)
ח הפכפך דרך איש וזר וזך ישר פעלו
משלי 21 : 9 (ALEP)
ט טוב לשבת על-פנת-גג-- מאשת מדינים ובית חבר
משלי 21 : 10 (ALEP)
י נפש רשע אותה-רע לא-יחן בעיניו רעהו
משלי 21 : 11 (ALEP)
יא בענש-לץ יחכם-פתי ובהשכיל לחכם יקח-דעת
משלי 21 : 12 (ALEP)
יב משכיל צדיק לבית רשע מסלף רשעים לרע
משלי 21 : 13 (ALEP)
יג אטם אזנו מזעקת-דל-- גם-הוא יקרא ולא יענה
משלי 21 : 14 (ALEP)
יד מתן בסתר יכפה-אף ושחד בחק חמה עזה
משלי 21 : 15 (ALEP)
טו שמחה לצדיק עשות משפט ומחתה לפעלי און
משלי 21 : 16 (ALEP)
טז אדם--תועה מדרך השכל בקהל רפאים ינוח
משלי 21 : 17 (ALEP)
יז איש מחסור אהב שמחה אהב יין-ושמן לא יעשיר
משלי 21 : 18 (ALEP)
יח כפר לצדיק רשע ותחת ישרים בוגד
משלי 21 : 19 (ALEP)
יט טוב שבת בארץ-מדבר-- מאשת מדונים (מדינים) וכעס
משלי 21 : 20 (ALEP)
כ אוצר נחמד ושמן--בנוה חכם וכסיל אדם יבלענו
משלי 21 : 21 (ALEP)
כא רדף צדקה וחסד-- ימצא חיים צדקה וכבוד
משלי 21 : 22 (ALEP)
כב עיר גברים עלה חכם וירד עז מבטחה
משלי 21 : 23 (ALEP)
כג שמר פיו ולשונו-- שמר מצרות נפשו
משלי 21 : 24 (ALEP)
כד זד יהיר לץ שמו-- עושה בעברת זדון
משלי 21 : 25 (ALEP)
כה תאות עצל תמיתנו כי-מאנו ידיו לעשות
משלי 21 : 26 (ALEP)
כו כל-היום התאוה תאוה וצדיק יתן ולא יחשך
משלי 21 : 27 (ALEP)
כז זבח רשעים תועבה אף כי-בזמה יביאנו
משלי 21 : 28 (ALEP)
כח עד-כזבים יאבד ואיש שומע לנצח ידבר
משלי 21 : 29 (ALEP)
כט העז איש רשע בפניו וישר הוא יכין דרכיו (יבין דרכו)
משלי 21 : 30 (ALEP)
ל אין חכמה ואין תבונה-- ואין עצה לנגד יהוה
משלי 21 : 31 (ALEP)
לא סוס--מוכן ליום מלחמה וליהוה התשועה
❮
❯