Leviticus 6 : 1 (ALEP)
א וידבר יהוה אל משה לאמר
Leviticus 6 : 2 (ALEP)
ב צו את אהרן ואת בניו לאמר זאת תורת העלה הוא העלה על מ וקדה על המזבח כל הלילה עד הבקר ואש המזבח תוקד בו
Leviticus 6 : 3 (ALEP)
ג ולבש הכהן מדו בד ומכנסי בד ילבש על בשרו והרים את הדשן אשר תאכל האש את העלה על המזבח ושמו אצל המזבח
Leviticus 6 : 4 (ALEP)
ד ופשט את בגדיו ולבש בגדים אחרים והוציא את הדשן אל מחוץ למחנה אל מקום טהור
Leviticus 6 : 5 (ALEP)
ה והאש על המזבח תוקד בו לא תכבה ובער עליה הכהן עצים בבקר בבקר וערך עליה העלה והקטיר עליה חלבי השלמים
Leviticus 6 : 6 (ALEP)
ו אש תמיד תוקד על המזבח--לא תכבה {ס}
Leviticus 6 : 7 (ALEP)
ז וזאת תורת המנחה הקרב אתה בני אהרן לפני יהוה אל פני המזבח
Leviticus 6 : 8 (ALEP)
ח והרים ממנו בקמצו מסלת המנחה ומשמנה ואת כל הלבנה אשר על המנחה והקטיר המזבח ריח ניחח אזכרתה--ליהוה
Leviticus 6 : 9 (ALEP)
ט והנותרת ממנה יאכלו אהרן ובניו מצות תאכל במקום קדש בחצר אהל מועד יאכלוה
Leviticus 6 : 10 (ALEP)
י לא תאפה חמץ חלקם נתתי אתה מאשי קדש קדשים הוא כחטאת וכאשם
Leviticus 6 : 11 (ALEP)
יא כל זכר בבני אהרן יאכלנה--חק עולם לדרתיכם מאשי יהוה כל אשר יגע בהם יקדש {פ}
Leviticus 6 : 12 (ALEP)
יב וידבר יהוה אל משה לאמר
Leviticus 6 : 13 (ALEP)
יג זה קרבן אהרן ובניו אשר יקריבו ליהוה ביום המשח אתו--עשירת האפה סלת מנחה תמיד מחציתה בבקר ומחציתה בערב
Leviticus 6 : 14 (ALEP)
יד על מחבת בשמן תעשה--מרבכת תביאנה תפיני מנחת פתים תקריב ריח ניחח ליהוה
Leviticus 6 : 15 (ALEP)
טו והכהן המשיח תחתיו מבניו יעשה אתה חק עולם ליהוה כליל תקטר
Leviticus 6 : 16 (ALEP)
טז וכל מנחת כהן כליל תהיה לא תאכל {פ}
Leviticus 6 : 17 (ALEP)
יז וידבר יהוה אל משה לאמר
Leviticus 6 : 18 (ALEP)
יח דבר אל אהרן ואל בניו לאמר זאת תורת החטאת במקום אשר תשחט העלה תשחט החטאת לפני יהוה--קדש קדשים הוא
Leviticus 6 : 19 (ALEP)
יט הכהן המחטא אתה יאכלנה במקום קדש תאכל בחצר אהל מועד
Leviticus 6 : 20 (ALEP)
כ כל אשר יגע בבשרה יקדש ואשר יזה מדמה על הבגד--אשר יזה עליה תכבס במקום קדש
Leviticus 6 : 21 (ALEP)
כא וכלי חרש אשר תבשל בו ישבר ואם בכלי נחשת בשלה ומרק ושטף במים
Leviticus 6 : 22 (ALEP)
כב כל זכר בכהנים יאכל אתה קדש קדשים הוא
Leviticus 6 : 23 (ALEP)
כג וכל חטאת אשר יובא מדמה אל אהל מועד לכפר בקדש--לא תאכל באש תשרף {פ}
❮
❯