Leviticus 27 : 1 (ALEP)
א וידבר יהוה אל משה לאמר
Leviticus 27 : 2 (ALEP)
ב דבר אל בני ישראל ואמרת אלהם איש כי יפלא נדר--בערכך נפשת ליהוה
Leviticus 27 : 3 (ALEP)
ג והיה ערכך הזכר מבן עשרים שנה ועד בן ששים שנה והיה ערכך חמשים שקל כסף--בשקל הקדש
Leviticus 27 : 4 (ALEP)
ד ואם נקבה הוא--והיה ערכך שלשים שקל
Leviticus 27 : 5 (ALEP)
ה ואם מבן חמש שנים ועד בן עשרים שנה--והיה ערכך הזכר עשרים שקלים ולנקבה עשרת שקלים
Leviticus 27 : 6 (ALEP)
ו ואם מבן חדש ועד בן חמש שנים--והיה ערכך הזכר חמשה שקלים כסף ולנקבה ערכך שלשת שקלים כסף
Leviticus 27 : 7 (ALEP)
ז ואם מבן ששים שנה ומעלה אם זכר--והיה ערכך חמשה עשר שקל ולנקבה עשרה שקלים
Leviticus 27 : 8 (ALEP)
ח ואם מך הוא מערכך--והעמידו לפני הכהן והעריך אתו הכהן על פי אשר תשיג יד הנדר--יעריכנו הכהן {ס}
Leviticus 27 : 9 (ALEP)
ט ואם בהמה--אשר יקריבו ממנה קרבן ליהוה כל אשר יתן ממנו ליהוה יהיה קדש
Leviticus 27 : 10 (ALEP)
י לא יחליפנו ולא ימיר אתו טוב ברע--או רע בטוב ואם המר ימיר בהמה בבהמה והיה הוא ותמורתו יהיה קדש
Leviticus 27 : 11 (ALEP)
יא ואם כל בהמה טמאה אשר לא יקריבו ממנה קרבן ליהוה--והעמיד את הבהמה לפני הכהן
Leviticus 27 : 12 (ALEP)
יב והעריך הכהן אתה בין טוב ובין רע כערכך הכהן כן יהיה
Leviticus 27 : 13 (ALEP)
יג ואם גאל יגאלנה--ויסף חמישתו על ערכך
Leviticus 27 : 14 (ALEP)
יד ואיש כי יקדש את ביתו קדש ליהוה--והעריכו הכהן בין טוב ובין רע כאשר יעריך אתו הכהן כן יקום
Leviticus 27 : 15 (ALEP)
טו ואם המקדיש--יגאל את ביתו ויסף חמישית כסף ערכך עליו--והיה לו
Leviticus 27 : 16 (ALEP)
טז ואם משדה אחזתו יקדיש איש ליהוה--והיה ערכך לפי זרעו זרע חמר שערים בחמשים שקל כסף
Leviticus 27 : 17 (ALEP)
יז אם משנת היבל יקדיש שדהו--כערכך יקום
Leviticus 27 : 18 (ALEP)
יח ואם אחר היבל יקדיש שדהו--וחשב לו הכהן את הכסף על פי השנים הנותרת עד שנת היבל ונגרע מערכך
Leviticus 27 : 19 (ALEP)
יט ואם גאל יגאל את השדה המקדיש אתו ויסף חמשית כסף ערכך עליו--וקם לו
Leviticus 27 : 20 (ALEP)
כ ואם לא יגאל את השדה ואם מכר את השדה לאיש אחר--לא יגאל עוד
Leviticus 27 : 21 (ALEP)
כא והיה השדה בצאתו ביבל קדש ליהוה--כשדה החרם לכהן תהיה אחזתו
Leviticus 27 : 22 (ALEP)
כב ואם את שדה מקנתו אשר לא משדה אחזתו--יקדיש ליהוה
Leviticus 27 : 23 (ALEP)
כג וחשב לו הכהן את מכסת הערכך עד שנת היבל ונתן את הערכך ביום ההוא קדש ליהוה
Leviticus 27 : 24 (ALEP)
כד בשנת היובל ישוב השדה לאשר קנהו מאתו--לאשר לו אחזת הארץ
Leviticus 27 : 25 (ALEP)
כה וכל ערכך--יהיה בשקל הקדש עשרים גרה יהיה השקל
Leviticus 27 : 26 (ALEP)
כו אך בכור אשר יבכר ליהוה בבהמה--לא יקדיש איש אתו אם שור אם שה ליהוה הוא
Leviticus 27 : 27 (ALEP)
כז ואם בבהמה הטמאה ופדה בערכך ויסף חמשתו עליו ואם לא יגאל ונמכר בערכך
Leviticus 27 : 28 (ALEP)
כח אך כל חרם אשר יחרם איש ליהוה מכל אשר לו מאדם ובהמה ומשדה אחזתו--לא ימכר ולא יגאל כל חרם קדש קדשים הוא ליהוה
Leviticus 27 : 29 (ALEP)
כט כל חרם אשר יחרם מן האדם--לא יפדה מות יומת
Leviticus 27 : 30 (ALEP)
ל וכל מעשר הארץ מזרע הארץ מפרי העץ--ליהוה הוא קדש ליהוה
Leviticus 27 : 31 (ALEP)
לא ואם גאל יגאל איש ממעשרו--חמשיתו יסף עליו
Leviticus 27 : 32 (ALEP)
לב וכל מעשר בקר וצאן כל אשר יעבר תחת השבט--העשירי יהיה קדש ליהוה
Leviticus 27 : 33 (ALEP)
לג לא יבקר בין טוב לרע ולא ימירנו ואם המר ימירנו והיה הוא ותמורתו יהיה קדש לא יגאל
Leviticus 27 : 34 (ALEP)
לד אלה המצות אשר צוה יהוה את משה--אל בני ישראל בהר סיני {ש}
❮
❯