ויקרא 14 : 1 (ALEP)
א וידבר יהוה אל משה לאמר
ויקרא 14 : 2 (ALEP)
ב זאת תהיה תורת המצרע ביום טהרתו והובא אל הכהן
ויקרא 14 : 3 (ALEP)
ג ויצא הכהן אל מחוץ למחנה וראה הכהן והנה נרפא נגע הצרעת מן הצרוע
ויקרא 14 : 4 (ALEP)
ד וצוה הכהן ולקח למטהר שתי צפרים חיות טהרות ועץ ארז ושני תולעת ואזב
ויקרא 14 : 5 (ALEP)
ה וצוה הכהן ושחט את הצפור האחת--אל כלי חרש על מים חיים
ויקרא 14 : 6 (ALEP)
ו את הצפר החיה יקח אתה ואת עץ הארז ואת שני התולעת ואת האזב וטבל אותם ואת הצפר החיה בדם הצפר השחטה על המים החיים
ויקרא 14 : 7 (ALEP)
ז והזה על המטהר מן הצרעת--שבע פעמים וטהרו ושלח את הצפר החיה על פני השדה
ויקרא 14 : 8 (ALEP)
ח וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים
ויקרא 14 : 9 (ALEP)
ט והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים--וטהר
ויקרא 14 : 10 (ALEP)
י וביום השמיני יקח שני כבשים תמימם וכבשה אחת בת שנתה תמימה ושלשה עשרנים סלת מנחה בלולה בשמן ולג אחד שמן
ויקרא 14 : 11 (ALEP)
יא והעמיד הכהן המטהר את האיש המטהר--ואתם לפני יהוה פתח אהל מועד
ויקרא 14 : 12 (ALEP)
יב ולקח הכהן את הכבש האחד והקריב אתו לאשם--ואת לג השמן והניף אתם תנופה לפני יהוה
ויקרא 14 : 13 (ALEP)
יג ושחט את הכבש במקום אשר ישחט את החטאת ואת העלה--במקום הקדש כי כחטאת האשם הוא לכהן--קדש קדשים הוא
ויקרא 14 : 14 (ALEP)
יד ולקח הכהן מדם האשם ונתן הכהן על תנוך אזן המטהר הימנית ועל בהן ידו הימנית ועל בהן רגלו הימנית
ויקרא 14 : 15 (ALEP)
טו ולקח הכהן מלג השמן ויצק על כף הכהן השמאלית
ויקרא 14 : 16 (ALEP)
טז וטבל הכהן את אצבעו הימנית מן השמן אשר על כפו השמאלית והזה מן השמן באצבעו שבע פעמים לפני יהוה
ויקרא 14 : 17 (ALEP)
יז ומיתר השמן אשר על כפו יתן הכהן על תנוך אזן המטהר הימנית ועל בהן ידו הימנית ועל בהן רגלו הימנית--על דם האשם
ויקרא 14 : 18 (ALEP)
יח והנותר בשמן אשר על כף הכהן יתן על ראש המטהר וכפר עליו הכהן לפני יהוה
ויקרא 14 : 19 (ALEP)
יט ועשה הכהן את החטאת וכפר על המטהר מטמאתו ואחר ישחט את העלה
ויקרא 14 : 20 (ALEP)
כ והעלה הכהן את העלה ואת המנחה המזבחה וכפר עליו הכהן וטהר ס
ויקרא 14 : 21 (ALEP)
כא ואם דל הוא ואין ידו משגת--ולקח כבש אחד אשם לתנופה לכפר עליו ועשרון סלת אחד בלול בשמן למנחה--ולג שמן
ויקרא 14 : 22 (ALEP)
כב ושתי תרים או שני בני יונה אשר תשיג ידו והיה אחד חטאת והאחד עלה
ויקרא 14 : 23 (ALEP)
כג והביא אתם ביום השמיני לטהרתו--אל הכהן אל פתח אהל מועד לפני יהוה
ויקרא 14 : 24 (ALEP)
כד ולקח הכהן את כבש האשם ואת לג השמן והניף אתם הכהן תנופה לפני יהוה
ויקרא 14 : 25 (ALEP)
כה ושחט את כבש האשם ולקח הכהן מדם האשם ונתן על תנוך אזן המטהר הימנית ועל בהן ידו הימנית ועל בהן רגלו הימנית
ויקרא 14 : 26 (ALEP)
כו ומן השמן יצק הכהן על כף הכהן השמאלית
ויקרא 14 : 27 (ALEP)
כז והזה הכהן באצבעו הימנית מן השמן אשר על כפו השמאלית--שבע פעמים לפני יהוה
ויקרא 14 : 28 (ALEP)
כח ונתן הכהן מן השמן אשר על כפו על תנוך אזן המטהר הימנית ועל בהן ידו הימנית ועל בהן רגלו הימנית--על מקום דם האשם
ויקרא 14 : 29 (ALEP)
כט והנותר מן השמן אשר על כף הכהן יתן על ראש המטהר--לכפר עליו לפני יהוה
ויקרא 14 : 30 (ALEP)
ל ועשה את האחד מן התרים או מן בני היונה מאשר תשיג ידו
ויקרא 14 : 31 (ALEP)
לא את אשר תשיג ידו את האחד חטאת ואת האחד עלה--על המנחה וכפר הכהן על המטהר לפני יהוה
ויקרא 14 : 32 (ALEP)
לב זאת תורת אשר בו נגע צרעת אשר לא תשיג ידו בטהרתו פ
ויקרא 14 : 33 (ALEP)
לג וידבר יהוה אל משה ואל אהרן לאמר
ויקרא 14 : 34 (ALEP)
לד כי תבאו אל ארץ כנען אשר אני נתן לכם לאחזה ונתתי נגע צרעת בבית ארץ אחזתכם
ויקרא 14 : 35 (ALEP)
לה ובא אשר לו הבית והגיד לכהן לאמר כנגע נראה לי בבית
ויקרא 14 : 36 (ALEP)
לו וצוה הכהן ופנו את הבית בטרם יבא הכהן לראות את הנגע ולא יטמא כל אשר בבית ואחר כן יבא הכהן לראות את הבית
ויקרא 14 : 37 (ALEP)
לז וראה את הנגע והנה הנגע בקירת הבית שקערורת ירקרקת או אדמדמת ומראיהן שפל מן הקיר
ויקרא 14 : 38 (ALEP)
לח ויצא הכהן מן הבית אל פתח הבית והסגיר את הבית שבעת ימים
ויקרא 14 : 39 (ALEP)
לט ושב הכהן ביום השביעי וראה והנה פשה הנגע בקירת הבית
ויקרא 14 : 40 (ALEP)
מ וצוה הכהן וחלצו את האבנים אשר בהן הנגע והשליכו אתהן אל מחוץ לעיר אל מקום טמא
ויקרא 14 : 41 (ALEP)
מא ואת הבית יקצע מבית סביב ושפכו את העפר אשר הקצו אל מחוץ לעיר אל מקום טמא
ויקרא 14 : 42 (ALEP)
מב ולקחו אבנים אחרות והביאו אל תחת האבנים ועפר אחר יקח וטח את הבית
ויקרא 14 : 43 (ALEP)
מג ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוח
ויקרא 14 : 44 (ALEP)
מד ובא הכהן וראה והנה פשה הנגע בבית--צרעת ממארת הוא בבית טמא הוא
ויקרא 14 : 45 (ALEP)
מה ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא
ויקרא 14 : 46 (ALEP)
מו והבא אל הבית כל ימי הסגיר אתו--יטמא עד הערב
ויקרא 14 : 47 (ALEP)
מז והשכב בבית יכבס את בגדיו והאכל בבית יכבס את בגדיו
ויקרא 14 : 48 (ALEP)
מח ואם בא יבא הכהן וראה והנה לא פשה הנגע בבית אחרי הטח את הבית--וטהר הכהן את הבית כי נרפא הנגע
ויקרא 14 : 49 (ALEP)
מט ולקח לחטא את הבית שתי צפרים ועץ ארז ושני תולעת ואזב
ויקרא 14 : 50 (ALEP)
נ ושחט את הצפר האחת אל כלי חרש על מים חיים
ויקרא 14 : 51 (ALEP)
נא ולקח את עץ הארז ואת האזב ואת שני התולעת ואת הצפר החיה וטבל אתם בדם הצפר השחוטה ובמים החיים והזה אל הבית שבע פעמים
ויקרא 14 : 52 (ALEP)
נב וחטא את הבית--בדם הצפור ובמים החיים ובצפר החיה ובעץ הארז ובאזב--ובשני התולעת
ויקרא 14 : 53 (ALEP)
נג ושלח את הצפר החיה אל מחוץ לעיר--אל פני השדה וכפר על הבית וטהר
ויקרא 14 : 54 (ALEP)
נד זאת התורה לכל נגע הצרעת ולנתק
ויקרא 14 : 55 (ALEP)
נה ולצרעת הבגד ולבית
ויקרא 14 : 56 (ALEP)
נו ולשאת ולספחת ולבהרת
ויקרא 14 : 57 (ALEP)
נז להורת ביום הטמא וביום הטהר זאת תורת הצרעת פ
❮
❯