איכה 3 : 1 (ALEP)
א אני הגבר ראה עני בשבט עברתו
איכה 3 : 2 (ALEP)
ב אותי נהג וילך חשך ולא אור
איכה 3 : 3 (ALEP)
ג אך בי ישב יהפך ידו כל היום ס
איכה 3 : 4 (ALEP)
ד בלה בשרי ועורי שבר עצמותי
איכה 3 : 5 (ALEP)
ה בנה עלי ויקף ראש ותלאה
איכה 3 : 6 (ALEP)
ו במחשכים הושיבני כמתי עולם ס
איכה 3 : 7 (ALEP)
ז גדר בעדי ולא אצא הכביד נחשתי
איכה 3 : 8 (ALEP)
ח גם כי אזעק ואשוע שתם תפלתי
איכה 3 : 9 (ALEP)
ט גדר דרכי בגזית נתיבתי עוה ס
איכה 3 : 10 (ALEP)
י דב ארב הוא לי אריה (ארי) במסתרים
איכה 3 : 11 (ALEP)
יא דרכי סורר ויפשחני שמני שמם
איכה 3 : 12 (ALEP)
יב דרך קשתו ויציבני כמטרא לחץ ס
איכה 3 : 13 (ALEP)
יג הביא בכליתי בני אשפתו
איכה 3 : 14 (ALEP)
יד הייתי שחק לכל עמי נגינתם כל היום
איכה 3 : 15 (ALEP)
טו השביעני במרורים הרוני לענה ס
איכה 3 : 16 (ALEP)
טז ויגרס בחצץ שני הכפישני באפר
איכה 3 : 17 (ALEP)
יז ותזנח משלום נפשי נשיתי טובה
איכה 3 : 18 (ALEP)
יח ואמר אבד נצחי ותוחלתי מיהוה ס
איכה 3 : 19 (ALEP)
יט זכר עניי ומרודי לענה וראש
איכה 3 : 20 (ALEP)
כ זכור תזכור ותשיח (ותשוח) עלי נפשי
איכה 3 : 21 (ALEP)
כא זאת אשיב אל לבי על כן אוחיל ס
איכה 3 : 22 (ALEP)
כב חסדי יהוה כי לא תמנו כי לא כלו רחמיו
איכה 3 : 23 (ALEP)
כג חדשים לבקרים רבה אמונתך
איכה 3 : 24 (ALEP)
כד חלקי יהוה אמרה נפשי על כן אוחיל לו ס
איכה 3 : 25 (ALEP)
כה טוב יהוה לקוו לנפש תדרשנו
איכה 3 : 26 (ALEP)
כו טוב ויחיל ודומם לתשועת יהוה
איכה 3 : 27 (ALEP)
כז טוב לגבר כי ישא על בנעוריו ס
איכה 3 : 28 (ALEP)
כח ישב בדד וידם כי נטל עליו
איכה 3 : 29 (ALEP)
כט יתן בעפר פיהו אולי יש תקוה
איכה 3 : 30 (ALEP)
ל יתן למכהו לחי ישבע בחרפה ס
איכה 3 : 31 (ALEP)
לא כי לא יזנח לעולם אדני
איכה 3 : 32 (ALEP)
לב כי אם הוגה ורחם כרב חסדיו
איכה 3 : 33 (ALEP)
לג כי לא ענה מלבו ויגה בני איש ס
איכה 3 : 34 (ALEP)
לד לדכא תחת רגליו כל אסירי ארץ
איכה 3 : 35 (ALEP)
לה להטות משפט גבר נגד פני עליון
איכה 3 : 36 (ALEP)
לו ל ע ות אדם בריבו אדני לא ראה ס
איכה 3 : 37 (ALEP)
לז מי זה אמר ותהי אדני לא צוה
איכה 3 : 38 (ALEP)
לח מפי עליון לא תצא הרעות והטוב
איכה 3 : 39 (ALEP)
לט מה יתאונן אדם חי גבר על חטאו ס
איכה 3 : 40 (ALEP)
מ נחפשה דרכינו ונחקרה ונשובה עד יהוה
איכה 3 : 41 (ALEP)
מא נשא לבבנו אל כפים אל אל בשמים
איכה 3 : 42 (ALEP)
מב נחנו פשענו ומרינו אתה לא סלחת ס
איכה 3 : 43 (ALEP)
מג סכותה באף ותרדפנו הרגת לא חמלת
איכה 3 : 44 (ALEP)
מד סכותה בענן לך מעבור תפלה
איכה 3 : 45 (ALEP)
מה סחי ומאוס תשימנו בקרב העמים ס
איכה 3 : 46 (ALEP)
מו פצו עלינו פיהם כל איבינו
איכה 3 : 47 (ALEP)
מז פחד ופחת היה לנו השאת והשבר
איכה 3 : 48 (ALEP)
מח פלגי מים תרד עיני על שבר בת עמי ס
איכה 3 : 49 (ALEP)
מט עיני נגרה ולא תדמה מאין הפגות
איכה 3 : 50 (ALEP)
נ עד ישקיף וירא יהוה משמים
איכה 3 : 51 (ALEP)
נא עיני עוללה לנפשי מכל בנות עירי ס
איכה 3 : 52 (ALEP)
נב צוד צדוני כצפור איבי חנם
איכה 3 : 53 (ALEP)
נג צמתו בבור חיי וידו אבן בי
איכה 3 : 54 (ALEP)
נד צפו מים על ראשי אמרתי נגזרתי ס
איכה 3 : 55 (ALEP)
נה קראתי שמך יהוה מבור תחתיות
איכה 3 : 56 (ALEP)
נו קולי שמעת אל תעלם אזנך לרוחתי לשועתי
איכה 3 : 57 (ALEP)
נז קרבת ביום אקראך אמרת אל תירא ס
איכה 3 : 58 (ALEP)
נח רבת אדני ריבי נפשי גאלת חיי
איכה 3 : 59 (ALEP)
נט ראיתה יהוה עותתי שפטה משפטי
איכה 3 : 60 (ALEP)
ס ראיתה כל נקמתם--כל מחשבתם לי ס
איכה 3 : 61 (ALEP)
סא שמעת חרפתם יהוה כל מחשבתם עלי
איכה 3 : 62 (ALEP)
סב שפתי קמי והגיונם עלי כל היום
איכה 3 : 63 (ALEP)
סג שבתם וקימתם הביטה אני מנגינתם ס
איכה 3 : 64 (ALEP)
סד תשיב להם גמול יהוה כמעשה ידיהם
איכה 3 : 65 (ALEP)
סה תתן להם מגנת לב תאלתך להם
איכה 3 : 66 (ALEP)
סו תרדף באף ותשמידם מתחת שמי יהוה פ
❮
❯