יהושע 21 : 1 (ALEP)
א ויגשו ראשי אבות הלוים אל אלעזר הכהן ואל יהושע בן נון ואל ראשי אבות המטות לבני ישראל
יהושע 21 : 2 (ALEP)
ב וידברו אליהם בשלה בארץ כנען לאמר יהוה צוה ביד משה לתת לנו ערים לשבת ומגרשיהן לבהמתנו פ
יהושע 21 : 3 (ALEP)
ג ויתנו בני ישראל ללוים מנחלתם אל פי יהוה את הערים האלה ואת מגרשיהן
יהושע 21 : 4 (ALEP)
ד ויצא הגורל למשפחת הקהתי ויהי לבני אהרן הכהן מן הלוים ממטה יהודה וממטה השמעני וממטה בנימן בגורל--ערים שלש עשרה ס
יהושע 21 : 5 (ALEP)
ה ולבני קהת הנותרים ממשפחת מטה אפרים וממטה דן ומחצי מטה מנשה בגורל--ערים עשר ס
יהושע 21 : 6 (ALEP)
ו ולבני גרשון ממשפחות מטה יששכר וממטה אשר וממטה נפתלי ומחצי מטה מנשה בבשן בגורל--ערים שלש עשרה ס
יהושע 21 : 7 (ALEP)
ז לבני מררי למשפחתם ממטה ראובן וממטה גד וממטה זבולן--ערים שתים עשרה ס
יהושע 21 : 8 (ALEP)
ח ויתנו בני ישראל ללוים את הערים האלה ואת מגרשיהן כאשר צוה יהוה ביד משה בגורל פ
יהושע 21 : 9 (ALEP)
ט ויתנו ממטה בני יהודה וממטה בני שמעון--את הערים האלה אשר יקרא אתהן בשם
יהושע 21 : 10 (ALEP)
י ויהי לבני אהרן ממשפחות הקהתי מבני לוי כי להם היה הגורל ראישנה
יהושע 21 : 11 (ALEP)
יא ויתנו להם את קרית ארבע אבי הענוק היא חברון--בהר יהודה ואת מגרשה סביבתיה
יהושע 21 : 12 (ALEP)
יב ואת שדה העיר ואת חצריה נתנו לכלב בן יפנה באחזתו ס
יהושע 21 : 13 (ALEP)
יג ולבני אהרן הכהן נתנו את עיר מקלט הרצח--את חברון ואת מגרשה ואת לבנה ואת מגרשה
יהושע 21 : 14 (ALEP)
יד ואת יתר ואת מגרשה ואת אשתמע ואת מגרשה
יהושע 21 : 15 (ALEP)
טו ואת חלן ואת מגרשה ואת דבר ואת מגרשה
יהושע 21 : 16 (ALEP)
טז ואת עין ואת מגרשה ואת יטה ואת מגרשה את בית שמש ואת מגרשה ערים תשע--מאת שני השבטים האלה ס
יהושע 21 : 17 (ALEP)
יז וממטה בנימין את גבעון ואת מגרשה את גבע ואת מגרשה
יהושע 21 : 18 (ALEP)
יח את ענתות ואת מגרשה ואת עלמון ואת מגרשה ערים ארבע
יהושע 21 : 19 (ALEP)
יט כל ערי בני אהרן הכהנים--שלש עשרה ערים ומגרשיהן ס
יהושע 21 : 20 (ALEP)
כ ולמשפחות בני קהת הלוים הנותרים מבני קהת ויהי ערי גורלם ממטה אפרים
יהושע 21 : 21 (ALEP)
כא ויתנו להם את עיר מקלט הרצח את שכם ואת מגרשה--בהר אפרים ואת גזר ואת מגרשה
יהושע 21 : 22 (ALEP)
כב ואת קבצים ואת מגרשה ואת בית חורן ואת מגרשה ערים ארבע ס
יהושע 21 : 23 (ALEP)
כג וממטה דן--את אלתקא ואת מגרשה את גבתון ואת מגרשה
יהושע 21 : 24 (ALEP)
כד את אילון ואת מגרשה את גת רמון ואת מגרשה ערים ארבע
יהושע 21 : 25 (ALEP)
כה וממחצית מטה מנשה--את תענך ואת מגרשה ואת גת רמון ואת מגרשה ערים שתים
יהושע 21 : 26 (ALEP)
כו כל ערים עשר ומגרשיהן למשפחות בני קהת הנותרים ס
יהושע 21 : 27 (ALEP)
כז ולבני גרשון ממשפחת הלוים--מחצי מטה מנשה את עיר מקלט הרצח את גלון (גולן) בבשן ואת מגרשה ואת בעשתרה ואת מגרשה ערים שתים ס
יהושע 21 : 28 (ALEP)
כח וממטה יששכר את קשיון ואת מגרשה את דברת ואת מגרשה
יהושע 21 : 29 (ALEP)
כט את ירמות ואת מגרשה את עין גנים ואת מגרשה ערים ארבע ס
יהושע 21 : 30 (ALEP)
ל וממטה אשר את משאל ואת מגרשה את עבדון ואת מגרשה
יהושע 21 : 31 (ALEP)
לא את חלקת ואת מגרשה ואת רחב ואת מגרשה ערים ארבע ס
יהושע 21 : 32 (ALEP)
לב וממטה נפתלי את עיר מקלט הרצח את קדש בגליל ואת מגרשה ואת חמת דאר ואת מגרשה ואת קרתן ואת מגרשה ערים שלש
יהושע 21 : 33 (ALEP)
לג כל ערי הגרשני למשפחתם--שלש עשרה עיר ומגרשיהן ס
יהושע 21 : 34 (ALEP)
לד ולמשפחות בני מררי הלוים הנותרים--מאת מטה זבולן את יקנעם ואת מגרשה את קרתה ואת מגרשה
יהושע 21 : 35 (ALEP)
לה את דמנה ואת מגרשה את נהלל ואת מגרשה ערים ארבע ס
יהושע 21 : 36 (ALEP)
לו וממטה גד את עיר מקלט הרצח את רמת בגלעד ואת מגרשה ואת מחנים ואת מגרשה
יהושע 21 : 37 (ALEP)
לז את חשבון ואת מגרשה את יעזר ואת מגרשה כל ערים ארבע
יהושע 21 : 38 (ALEP)
לח כל הערים לבני מררי למשפחתם הנותרים ממשפחות הלוים ויהי גורלם--ערים שתים עשרה
יהושע 21 : 39 (ALEP)
לט כל ערי הלוים בתוך אחזת בני ישראל--ערים ארבעים ושמנה ומגרשיהן
יהושע 21 : 40 (ALEP)
מ תהיינה הערים האלה--עיר עיר ומגרשיה סביבתיה כן לכל הערים האלה ס
יהושע 21 : 41 (ALEP)
מא ויתן יהוה לישראל את כל הארץ אשר נשבע לתת לאבותם וירשוה וישבו בה
יהושע 21 : 42 (ALEP)
מב וינח יהוה להם מסביב ככל אשר נשבע לאבותם ולא עמד איש בפניהם מכל איביהם--את כל איביהם נתן יהוה בידם
יהושע 21 : 43 (ALEP)
מג לא נפל דבר--מכל הדבר הטוב אשר דבר יהוה אל בית ישראל הכל בא פ
❮
❯