יונה 2 : 1 (ALEP)
א וימן יהוה דג גדול לבלע את יונה ויהי יונה במעי הדג שלשה ימים ושלשה לילות
יונה 2 : 2 (ALEP)
ב ויתפלל יונה אל יהוה אלהיו ממעי הדגה
יונה 2 : 3 (ALEP)
ג ויאמר קראתי מצרה לי אל יהוה--ויענני מבטן שאול שועתי שמעת קולי
יונה 2 : 4 (ALEP)
ד ותשליכני מצולה בלבב ימים ונהר יסבבני כל משבריך וגליך עלי עברו
יונה 2 : 5 (ALEP)
ה ואני אמרתי נגרשתי מנגד עיניך אך אוסיף להביט אל היכל קדשך
יונה 2 : 6 (ALEP)
ו אפפוני מים עד נפש תהום יסבבני סוף חבוש לראשי
יונה 2 : 7 (ALEP)
ז לקצבי הרים ירדתי הארץ ברחיה בעדי לעולם ותעל משחת חיי יהוה אלהי
יונה 2 : 8 (ALEP)
ח בהתעטף עלי נפשי את יהוה זכרתי ותבוא אליך תפלתי אל היכל קדשך
יונה 2 : 9 (ALEP)
ט משמרים הבלי שוא--חסדם יעזבו
יונה 2 : 10 (ALEP)
י ואני בקול תודה אזבחה לך אשר נדרתי אשלמה ישועתה ליהוה ס [ ( ) יא ויאמר יהוה לדג ויקא את יונה אל היבשה פ ]
❮
❯