ירמיה 45 : 1 (ALEP)
א הדבר אשר דבר ירמיהו הנביא אל ברוך בן נריה--בכתבו את הדברים האלה על ספר מפי ירמיהו בשנה הרבעית ליהויקים בן יאשיהו מלך יהודה לאמר
ירמיה 45 : 2 (ALEP)
ב כה אמר יהוה אלהי ישראל עליך ברוך
ירמיה 45 : 3 (ALEP)
ג אמרת אוי נא לי כי יסף יהוה יגון על מכאבי יגעתי באנחתי ומנוחה לא מצאתי
ירמיה 45 : 4 (ALEP)
ד כה תאמר אליו כה אמר יהוה הנה אשר בניתי אני הרס ואת אשר נטעתי אני נתש ואת כל הארץ היא
ירמיה 45 : 5 (ALEP)
ה ואתה תבקש לך גדלות אל תבקש כי הנני מביא רעה על כל בשר נאם יהוה ונתתי לך את נפשך לשלל על כל המקמות אשר תלך שם פ
❮
❯