Hebrew Bible Presentation Sharing - Jeremiah Book, chapter 30, verse 8 in Alep Version

ירמיה 30 : 1 (ALEP)

א הדבר אשר היה אל ירמיהו מאת יהוה לאמר

ירמיה 30 : 2 (ALEP)

ב כה אמר יהוה אלהי ישראל לאמר כתב לך את כל הדברים אשר דברתי אליך--אל ספר

ירמיה 30 : 3 (ALEP)

ג כי הנה ימים באים נאם יהוה ושבתי את שבות עמי ישראל ויהודה אמר יהוה והשבתים אל הארץ אשר נתתי לאבותם--וירשוה פ

ירמיה 30 : 4 (ALEP)

ד ואלה הדברים אשר דבר יהוה אל ישראל--ואל יהודה

ירמיה 30 : 5 (ALEP)

ה כי כה אמר יהוה קול חרדה שמענו--פחד ואין שלום

ירמיה 30 : 6 (ALEP)

ו שאלו נא וראו אם ילד זכר מדוע ראיתי כל גבר ידיו על חלציו כיולדה ונהפכו כל פנים לירקון

ירמיה 30 : 7 (ALEP)

ז הוי כי גדול היום ההוא--מאין כמהו ועת צרה היא ליעקב וממנה יושע

ירמיה 30 : 8 (ALEP)

ח והיה ביום ההוא נאם יהוה צבאות אשבר עלו מעל צוארך ומוסרותיך אנתק ולא יעבדו בו עוד זרים

ירמיה 30 : 9 (ALEP)

ט ועבדו את יהוה אלהיהם ואת דוד מלכם אשר אקים להם ס

ירמיה 30 : 10 (ALEP)

י ואתה אל תירא עבדי יעקב נאם יהוה ואל תחת ישראל--כי הנני מושיעך מרחוק ואת זרעך מארץ שבים ושב יעקב ושקט ושאנן ואין מחריד

ירמיה 30 : 11 (ALEP)

יא כי אתך אני נאם יהוה להושיעך כי אעשה כלה בכל הגוים אשר הפצותיך שם אך אתך לא אעשה כלה ויסרתיך למשפט ונקה לא אנקך פ

ירמיה 30 : 12 (ALEP)

יב כי כה אמר יהוה אנוש לשברך--נחלה מכתך

ירמיה 30 : 13 (ALEP)

יג אין דן דינך למזור רפאות תעלה אין לך

ירמיה 30 : 14 (ALEP)

יד כל מאהביך שכחוך אותך לא ידרשו כי מכת אויב הכיתיך מוסר אכזרי--על רב עונך עצמו חטאתיך

ירמיה 30 : 15 (ALEP)

טו מה תזעק על שברך אנוש מכאבך על רב עונך עצמו חטאתיך--עשיתי אלה לך

ירמיה 30 : 16 (ALEP)

טז לכן כל אכליך יאכלו וכל צריך כלם בשבי ילכו והיו שאסיך למשסה וכל בזזיך אתן לבז

ירמיה 30 : 17 (ALEP)

יז כי אעלה ארכה לך וממכותיך ארפאך נאם יהוה כי נדחה קראו לך--ציון היא דרש אין לה ס

ירמיה 30 : 18 (ALEP)

יח כה אמר יהוה הנני שב שבות אהלי יעקוב ומשכנתיו ארחם ונבנתה עיר על תלה וארמון על משפטו ישב

ירמיה 30 : 19 (ALEP)

יט ויצא מהם תודה וקול משחקים והרבתים ולא ימעטו והכבדתים ולא יצערו

ירמיה 30 : 20 (ALEP)

כ והיו בניו כקדם ועדתו לפני תכון ופקדתי על כל לחציו

ירמיה 30 : 21 (ALEP)

כא והיה אדירו ממנו ומשלו מקרבו יצא והקרבתיו ונגש אלי כי מי הוא זה ערב את לבו לגשת אלי--נאם יהוה

ירמיה 30 : 22 (ALEP)

כב והייתם לי לעם ואנכי אהיה לכם לאלהים ס

ירמיה 30 : 23 (ALEP)

כג הנה סערת יהוה חמה יצאה--סער מתגורר על ראש רשעים יחול

ירמיה 30 : 24 (ALEP)

כד לא ישוב חרון אף יהוה עד עשתו ועד הקימו מזמות לבו באחרית הימים תתבוננו בה [ ( ) כה בעת ההיא נאם יהוה אהיה לאלהים לכל משפחות ישראל והמה יהיו לי לעם ס ]