ישעיה 64 : 1 (ALEP)
א כקדח אש המסים מים תבעה אש להודיע שמך לצריך מפניך גוים ירגזו
ישעיה 64 : 2 (ALEP)
ב בעשותך נוראות לא נקוה ירדת מפניך הרים נזלו ס
ישעיה 64 : 3 (ALEP)
ג ומעולם לא שמעו לא האזינו עין לא ראתה אלהים זולתך--יעשה למחכה לו
ישעיה 64 : 4 (ALEP)
ד פגעת את שש ועשה צדק בדרכיך יזכרוך הן אתה קצפת ונחטא בהם עולם ונושע
ישעיה 64 : 5 (ALEP)
ה ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו
ישעיה 64 : 6 (ALEP)
ו ואין קורא בשמך מתעורר להחזיק בך כי הסתרת פניך ממנו ותמוגנו ביד עוננו
ישעיה 64 : 7 (ALEP)
ז ועתה יהוה אבינו אתה אנחנו החמר ואתה יצרנו ומעשה ידך כלנו
ישעיה 64 : 8 (ALEP)
ח אל תקצף יהוה עד מאד ואל לעד תזכר עון הן הבט נא עמך כלנו
ישעיה 64 : 9 (ALEP)
ט ערי קדשך היו מדבר ציון מדבר היתה ירושלם שממה
ישעיה 64 : 10 (ALEP)
י בית קדשנו ותפארתנו אשר הללוך אבתינו--היה לשרפת אש וכל מחמדינו היה לחרבה
ישעיה 64 : 11 (ALEP)
יא העל אלה תתאפק יהוה תחשה ותעננו עד מאד פ
❮
❯