ישעיה 4 : 1 (ALEP)
א והחזיקו שבע נשים באיש אחד ביום ההוא לאמר לחמנו נאכל ושמלתנו נלבש רק יקרא שמך עלינו--אסף חרפתנו ס
ישעיה 4 : 2 (ALEP)
ב ביום ההוא יהיה צמח יהוה לצבי ולכבוד ופרי הארץ לגאון ולתפארת לפליטת ישראל
ישעיה 4 : 3 (ALEP)
ג והיה הנשאר בציון והנותר בירושלם--קדוש יאמר לו כל הכתוב לחיים בירושלם
ישעיה 4 : 4 (ALEP)
ד אם רחץ אדני את צאת בנות ציון ואת דמי ירושלם ידיח מקרבה--ברוח משפט וברוח בער
ישעיה 4 : 5 (ALEP)
ה וברא יהוה על כל מכון הר ציון ועל מקראה ענן יומם ועשן ונגה אש להבה לילה כי על כל כבוד חפה
ישעיה 4 : 6 (ALEP)
ו וסכה תהיה לצל יומם מחרב ולמחסה ולמסתור מזרם וממטר פ
❮
❯