ישעיה 20 : 1 (ALEP)
א בשנת בא תרתן אשדודה בשלח אתו סרגון מלך אשור וילחם באשדוד וילכדה
ישעיה 20 : 2 (ALEP)
ב בעת ההיא דבר יהוה ביד ישעיהו בן אמוץ לאמר לך ופתחת השק מעל מתניך ונעלך תחלץ מעל רגלך ויעש כן הלך ערום ויחף ס
ישעיה 20 : 3 (ALEP)
ג ויאמר יהוה כאשר הלך עבדי ישעיהו ערום ויחף--שלש שנים אות ומופת על מצרים ועל כוש
ישעיה 20 : 4 (ALEP)
ד כן ינהג מלך אשור את שבי מצרים ואת גלות כוש נערים וזקנים--ערום ויחף וחשופי שת ערות מצרים
ישעיה 20 : 5 (ALEP)
ה וחתו ובשו--מכוש מבטם ומן מצרים תפארתם
ישעיה 20 : 6 (ALEP)
ו ואמר ישב האי הזה ביום ההוא הנה כה מבטנו אשר נסנו שם לעזרה להנצל מפני מלך אשור ואיך נמלט אנחנו פ
❮
❯