הושע 6 : 1 (ALEP)
א לכו ונשובה אל יהוה כי הוא טרף וירפאנו יך ויחבשנו
הושע 6 : 2 (ALEP)
ב יחינו מימים ביום השלישי יקמנו ונחיה לפניו
הושע 6 : 3 (ALEP)
ג ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ
הושע 6 : 4 (ALEP)
ד מה אעשה לך אפרים מה אעשה לך יהודה וחסדכם כענן בקר וכטל משכים הלך
הושע 6 : 5 (ALEP)
ה על כן חצבתי בנביאים--הרגתים באמרי פי ומשפטיך אור יצא
הושע 6 : 6 (ALEP)
ו כי חסד חפצתי ולא זבח ודעת אלהים מעלות
הושע 6 : 7 (ALEP)
ז והמה כאדם עברו ברית שם בגדו בי
הושע 6 : 8 (ALEP)
ח גלעד קרית פעלי און--עקבה מדם
הושע 6 : 9 (ALEP)
ט וכחכי איש גדודים חבר כהנים דרך ירצחו שכמה כי זמה עשו
הושע 6 : 10 (ALEP)
י בבית ישראל ראיתי שעריריה (שערוריה) שם זנות לאפרים נטמא ישראל
הושע 6 : 11 (ALEP)
יא גם יהודה שת קציר לך בשובי שבות עמי פ
❮
❯