Hebrew Bible Presentation Sharing - Hosea Book, chapter 2, verse All in Alep Version

הושע 2 : 1 (ALEP)

א והיה מספר בני ישראל כחול הים אשר לא ימד ולא יספר והיה במקום אשר יאמר להם לא עמי אתם יאמר להם בני אל חי

הושע 2 : 2 (ALEP)

ב ונקבצו בני יהודה ובני ישראל יחדו ושמו להם ראש אחד ועלו מן הארץ כי גדול יום יזרעאל

הושע 2 : 3 (ALEP)

ג אמרו לאחיכם עמי ולאחותיכם רחמה

הושע 2 : 4 (ALEP)

ד ריבו באמכם ריבו--כי היא לא אשתי ואנכי לא אישה ותסר זנוניה מפניה ונאפופיה מבין שדיה

הושע 2 : 5 (ALEP)

ה פן אפשיטנה ערמה--והצגתיה כיום הולדה ושמתיה כמדבר ושתה כארץ ציה והמתיה בצמא

הושע 2 : 6 (ALEP)

ו ואת בניה לא ארחם כי בני זנונים המה

הושע 2 : 7 (ALEP)

ז כי זנתה אמם הבישה הורתם כי אמרה אלכה אחרי מאהבי נתני לחמי ומימי צמרי ופשתי שמני ושקויי

הושע 2 : 8 (ALEP)

ח לכן הנני שך את דרכך בסירים וגדרתי את גדרה ונתיבותיה לא תמצא

הושע 2 : 9 (ALEP)

ט ורדפה את מאהביה ולא תשיג אתם ובקשתם ולא תמצא ואמרה אלכה ואשובה אל אישי הראשון--כי טוב לי אז מעתה

הושע 2 : 10 (ALEP)

י והיא לא ידעה כי אנכי נתתי לה הדגן והתירוש והיצהר וכסף הרביתי לה וזהב עשו לבעל

הושע 2 : 11 (ALEP)

יא לכן אשוב--ולקחתי דגני בעתו ותירושי במועדו והצלתי צמרי ופשתי לכסות את ערותה

הושע 2 : 12 (ALEP)

יב ועתה אגלה את נבלתה לעיני מאהביה ואיש לא יצילנה מידי

הושע 2 : 13 (ALEP)

יג והשבתי כל משושה חגה חדשה ושבתה--וכל מועדה

הושע 2 : 14 (ALEP)

יד והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה

הושע 2 : 15 (ALEP)

טו ופקדתי עליה את ימי הבעלים אשר תקטיר להם ותעד נזמה וחליתה ותלך אחרי מאהביה ואתי שכחה נאם יהוה ס

הושע 2 : 16 (ALEP)

טז לכן הנה אנכי מפתיה והלכתיה המדבר ודברתי על לבה

הושע 2 : 17 (ALEP)

יז ונתתי לה את כרמיה משם ואת עמק עכור לפתח תקוה וענתה שמה כימי נעוריה וכיום עלותה מארץ מצרים

הושע 2 : 18 (ALEP)

יח והיה ביום ההוא נאם יהוה תקראי אישי ולא תקראי לי עוד בעלי

הושע 2 : 19 (ALEP)

יט והסרתי את שמות הבעלים מפיה ולא יזכרו עוד בשמם

הושע 2 : 20 (ALEP)

כ וכרתי להם ברית ביום ההוא עם חית השדה ועם עוף השמים ורמש האדמה וקשת וחרב ומלחמה אשבור מן הארץ והשכבתים לבטח

הושע 2 : 21 (ALEP)

כא וארשתיך לי לעולם וארשתיך לי בצדק ובמשפט ובחסד וברחמים

הושע 2 : 22 (ALEP)

כב וארשתיך לי באמונה וידעת את יהוה פ

הושע 2 : 23 (ALEP)

כג והיה ביום ההוא אענה נאם יהוה--אענה את השמים והם יענו את הארץ ()כדוהארץתענהאתהדגןואתהתירושואתהיצהרוהםיענואתיזרעאל [ ( ) כה וזרעתיה לי בארץ ורחמתי את לא רחמה ואמרתי ללא עמי עמי אתה והוא יאמר אלהי פ ]