בראשית 49 : 1 (ALEP)
א ויקרא יעקב אל בניו ויאמר האספו ואגידה לכם את אשר יקרא אתכם באחרית הימים
בראשית 49 : 2 (ALEP)
ב הקבצו ושמעו בני יעקב ושמעו אל ישראל אביכם
בראשית 49 : 3 (ALEP)
ג ראובן בכרי אתה כחי וראשית אוני--יתר שאת ויתר עז
בראשית 49 : 4 (ALEP)
ד פחז כמים אל תותר כי עלית משכבי אביך אז חללת יצועי עלה פ
בראשית 49 : 5 (ALEP)
ה שמעון ולוי אחים--כלי חמס מכרתיהם
בראשית 49 : 6 (ALEP)
ו בסדם אל תבא נפשי בקהלם אל תחד כבדי כי באפם הרגו איש וברצנם עקרו שור
בראשית 49 : 7 (ALEP)
ז ארור אפם כי עז ועברתם כי קשתה אחלקם ביעקב ואפיצם בישראל פ
בראשית 49 : 8 (ALEP)
ח יהודה אתה יודוך אחיך--ידך בערף איביך ישתחוו לך בני אביך
בראשית 49 : 9 (ALEP)
ט גור אריה יהודה מטרף בני עלית כרע רבץ כאריה וכלביא מי יקימנו
בראשית 49 : 10 (ALEP)
י לא יסור שבט מיהודה ומחקק מבין רגליו עד כי יבא שילה ולו יקהת עמים
בראשית 49 : 11 (ALEP)
יא אסרי לגפן עירה ולשרקה בני אתנו כבס ביין לבשו ובדם ענבים סותה
בראשית 49 : 12 (ALEP)
יב חכלילי עינים מיין ולבן שנים מחלב פ
בראשית 49 : 13 (ALEP)
יג זבולן לחוף ימים ישכן והוא לחוף אנית וירכתו על צידן פ
בראשית 49 : 14 (ALEP)
יד יששכר חמר גרם--רבץ בין המשפתים
בראשית 49 : 15 (ALEP)
טו וירא מנחה כי טוב ואת הארץ כי נעמה ויט שכמו לסבל ויהי למס עבד ס
בראשית 49 : 16 (ALEP)
טז דן ידין עמו--כאחד שבטי ישראל
בראשית 49 : 17 (ALEP)
יז יהי דן נחש עלי דרך שפיפן עלי ארח--הנשך עקבי סוס ויפל רכבו אחור
בראשית 49 : 19 (ALEP)
יט גד גדוד יגודנו והוא יגד עקב ס
בראשית 49 : 20 (ALEP)
כ מאשר שמנה לחמו והוא יתן מעדני מלך ס
בראשית 49 : 21 (ALEP)
כא נפתלי אילה שלחה--הנתן אמרי שפר ס
בראשית 49 : 22 (ALEP)
כב בן פרת יוסף בן פרת עלי עין בנות צעדה עלי שור
בראשית 49 : 23 (ALEP)
כג וימררהו ורבו וישטמהו בעלי חצים
בראשית 49 : 24 (ALEP)
כד ותשב באיתן קשתו ויפזו זרעי ידיו מידי אביר יעקב משם רעה אבן ישראל
בראשית 49 : 25 (ALEP)
כה מאל אביך ויעזרך ואת שדי ויברכך ברכת שמים מעל ברכת תהום רבצת תחת ברכת שדים ורחם
בראשית 49 : 26 (ALEP)
כו ברכת אביך גברו על ברכת הורי עד תאות גבעת עולם תהיין לראש יוסף ולקדקד נזיר אחיו פ
בראשית 49 : 27 (ALEP)
כז בנימין זאב יטרף בבקר יאכל עד ולערב יחלק שלל
בראשית 49 : 28 (ALEP)
כח כל אלה שבטי ישראל שנים עשר וזאת אשר דבר להם אביהם ויברך אותם--איש אשר כברכתו ברך אתם
בראשית 49 : 29 (ALEP)
כט ויצו אותם ויאמר אלהם אני נאסף אל עמי--קברו אתי אל אבתי אל המערה--אשר בשדה עפרון החתי
בראשית 49 : 30 (ALEP)
ל במערה אשר בשדה המכפלה אשר על פני ממרא--בארץ כנען אשר קנה אברהם את השדה מאת עפרן החתי--לאחזת קבר
בראשית 49 : 31 (ALEP)
לא שמה קברו את אברהם ואת שרה אשתו שמה קברו את יצחק ואת רבקה אשתו ושמה קברתי את לאה
בראשית 49 : 32 (ALEP)
לב מקנה השדה והמערה אשר בו מאת בני חת
בראשית 49 : 33 (ALEP)
לג ויכל יעקב לצות את בניו ויאסף רגליו אל המטה ויגוע ויאסף אל עמיו
❮
❯