בראשית 32 : 1 (ALEP)
א וישכם לבן בבקר וינשק לבניו ולבנותיו--ויברך אתהם וילך וישב לבן למקמו
בראשית 32 : 2 (ALEP)
ב ויעקב הלך לדרכו ויפגעו בו מלאכי אלהים
בראשית 32 : 3 (ALEP)
ג ויאמר יעקב כאשר ראם מחנה אלהים זה ויקרא שם המקום ההוא מחנים פ
בראשית 32 : 4 (ALEP)
ד וישלח יעקב מלאכים לפניו אל עשו אחיו ארצה שעיר שדה אדום
בראשית 32 : 5 (ALEP)
ה ויצו אתם לאמר כה תאמרון לאדני לעשו כה אמר עבדך יעקב עם לבן גרתי ואחר עד עתה
בראשית 32 : 6 (ALEP)
ו ויהי לי שור וחמור צאן ועבד ושפחה ואשלחה להגיד לאדני למצא חן בעיניך
בראשית 32 : 7 (ALEP)
ז וישבו המלאכים אל יעקב לאמר באנו אל אחיך אל עשו וגם הלך לקראתך וארבע מאות איש עמו
בראשית 32 : 8 (ALEP)
ח ויירא יעקב מאד ויצר לו ויחץ את העם אשר אתו ואת הצאן ואת הבקר והגמלים--לשני מחנות
בראשית 32 : 9 (ALEP)
ט ויאמר אם יבוא עשו אל המחנה האחת והכהו--והיה המחנה הנשאר לפליטה
בראשית 32 : 10 (ALEP)
י ויאמר יעקב אלהי אבי אברהם ואלהי אבי יצחק יהוה האמר אלי שוב לארצך ולמולדתך--ואיטיבה עמך
בראשית 32 : 11 (ALEP)
יא קטנתי מכל החסדים ומכל האמת אשר עשית את עבדך כי במקלי עברתי את הירדן הזה ועתה הייתי לשני מחנות
בראשית 32 : 12 (ALEP)
יב הצילני נא מיד אחי מיד עשו כי ירא אנכי אתו--פן יבוא והכני אם על בנים
בראשית 32 : 13 (ALEP)
יג ואתה אמרת היטב איטיב עמך ושמתי את זרעך כחול הים אשר לא יספר מרב
בראשית 32 : 14 (ALEP)
יד וילן שם בלילה ההוא ויקח מן הבא בידו מנחה--לעשו אחיו
בראשית 32 : 15 (ALEP)
טו עזים מאתים ותישים עשרים רחלים מאתים ואילים עשרים
בראשית 32 : 16 (ALEP)
טז גמלים מיניקות ובניהם שלשים פרות ארבעים ופרים עשרה אתנת עשרים ועירם עשרה
בראשית 32 : 17 (ALEP)
יז ויתן ביד עבדיו עדר עדר לבדו ויאמר אל עבדיו עברו לפני ורוח תשימו בין עדר ובין עדר
בראשית 32 : 18 (ALEP)
יח ויצו את הראשון לאמר כי יפגשך עשו אחי ושאלך לאמר למי אתה ואנה תלך ולמי אלה לפניך
בראשית 32 : 19 (ALEP)
יט ואמרת לעבדך ליעקב--מנחה הוא שלוחה לאדני לעשו והנה גם הוא אחרינו
בראשית 32 : 20 (ALEP)
כ ויצו גם את השני גם את השלישי גם את כל ההלכים אחרי העדרים לאמר כדבר הזה תדברון אל עשו במצאכם אתו
בראשית 32 : 21 (ALEP)
כא ואמרתם--גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישא פני
בראשית 32 : 22 (ALEP)
כב ותעבר המנחה על פניו והוא לן בלילה ההוא במחנה
בראשית 32 : 23 (ALEP)
כג ויקם בלילה הוא ויקח את שתי נשיו ואת שתי שפחתיו ואת אחד עשר ילדיו ויעבר את מעבר יבק
בראשית 32 : 24 (ALEP)
כד ויקחם--ויעברם את הנחל ויעבר את אשר לו
בראשית 32 : 25 (ALEP)
כה ויותר יעקב לבדו ויאבק איש עמו עד עלות השחר
בראשית 32 : 26 (ALEP)
כו וירא כי לא יכל לו ויגע בכף ירכו ותקע כף ירך יעקב בהאבקו עמו
בראשית 32 : 27 (ALEP)
כז ויאמר שלחני כי עלה השחר ויאמר לא אשלחך כי אם ברכתני
בראשית 32 : 28 (ALEP)
כח ויאמר אליו מה שמך ויאמר יעקב
בראשית 32 : 29 (ALEP)
כט ויאמר לא יעקב יאמר עוד שמך--כי אם ישראל כי שרית עם אלהים ועם אנשים ותוכל
בראשית 32 : 30 (ALEP)
ל וישאל יעקב ויאמר הגידה נא שמך ויאמר למה זה תשאל לשמי ויברך אתו שם
בראשית 32 : 31 (ALEP)
לא ויקרא יעקב שם המקום פניאל כי ראיתי אלהים פנים אל פנים ותנצל נפשי
בראשית 32 : 32 (ALEP)
לב ויזרח לו השמש כאשר עבר את פנואל והוא צלע על ירכו ()לגעלכןלאיאכלובניישראלאתגידהנשהאשרעלכףהירךעדהיוםהזה כינגעבכףירךיעקבבגידהנשה
❮
❯