בראשית 1 : 1 (ALEP)
א ב ראשית ברא אלהים את השמים ואת הארץ
בראשית 1 : 2 (ALEP)
ב והארץ היתה תהו ובהו וחשך על פני תהום ורוח אלהים מרחפת על פני המים
בראשית 1 : 3 (ALEP)
ג ויאמר אלהים יהי אור ויהי אור
בראשית 1 : 4 (ALEP)
ד וירא אלהים את האור כי טוב ויבדל אלהים בין האור ובין החשך
בראשית 1 : 5 (ALEP)
ה ויקרא אלהים לאור יום ולחשך קרא לילה ויהי ערב ויהי בקר יום אחד {פ}
בראשית 1 : 6 (ALEP)
ו ויאמר אלהים יהי רקיע בתוך המים ויהי מבדיל בין מים למים
בראשית 1 : 7 (ALEP)
ז ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן
בראשית 1 : 8 (ALEP)
ח ויקרא אלהים לרקיע שמים ויהי ערב ויהי בקר יום שני {פ}
בראשית 1 : 9 (ALEP)
ט ויאמר אלהים יקוו המים מתחת השמים אל מקום אחד ותראה היבשה ויהי כן
בראשית 1 : 10 (ALEP)
י ויקרא אלהים ליבשה ארץ ולמקוה המים קרא ימים וירא אלהים כי טוב
בראשית 1 : 11 (ALEP)
יא ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן
בראשית 1 : 12 (ALEP)
יב ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב
בראשית 1 : 13 (ALEP)
יג ויהי ערב ויהי בקר יום שלישי {פ}
בראשית 1 : 14 (ALEP)
יד ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים
בראשית 1 : 15 (ALEP)
טו והיו למאורת ברקיע השמים להאיר על הארץ ויהי כן
בראשית 1 : 16 (ALEP)
טז ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים
בראשית 1 : 17 (ALEP)
יז ויתן אתם אלהים ברקיע השמים להאיר על הארץ
בראשית 1 : 18 (ALEP)
יח ולמשל ביום ובלילה ולהבדיל בין האור ובין החשך וירא אלהים כי טוב
בראשית 1 : 19 (ALEP)
יט ויהי ערב ויהי בקר יום רביעי {פ}
בראשית 1 : 20 (ALEP)
כ ויאמר אלהים--ישרצו המים שרץ נפש חיה ועוף יעופף על הארץ על פני רקיע השמים
בראשית 1 : 21 (ALEP)
כא ויברא אלהים את התנינם הגדלים ואת כל נפש החיה הרמשת אשר שרצו המים למינהם ואת כל עוף כנף למינהו וירא אלהים כי טוב
בראשית 1 : 22 (ALEP)
כב ויברך אתם אלהים לאמר פרו ורבו ומלאו את המים בימים והעוף ירב בארץ
בראשית 1 : 23 (ALEP)
כג ויהי ערב ויהי בקר יום חמישי {פ}
בראשית 1 : 24 (ALEP)
כד ויאמר אלהים תוצא הארץ נפש חיה למינה בהמה ורמש וחיתו ארץ למינה ויהי כן
בראשית 1 : 25 (ALEP)
כה ויעש אלהים את חית הארץ למינה ואת הבהמה למינה ואת כל רמש האדמה למינהו וירא אלהים כי טוב
בראשית 1 : 26 (ALEP)
כו ויאמר אלהים נעשה אדם בצלמנו כדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץ
בראשית 1 : 27 (ALEP)
כז ויברא אלהים את האדם בצלמו בצלם אלהים ברא אתו זכר ונקבה ברא אתם
בראשית 1 : 28 (ALEP)
כח ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץ
בראשית 1 : 29 (ALEP)
כט ויאמר אלהים הנה נתתי לכם את כל עשב זרע זרע אשר על פני כל הארץ ואת כל העץ אשר בו פרי עץ זרע זרע לכם יהיה לאכלה
בראשית 1 : 30 (ALEP)
ל ולכל חית הארץ ולכל עוף השמים ולכל רומש על הארץ אשר בו נפש חיה את כל ירק עשב לאכלה ויהי כן
בראשית 1 : 31 (ALEP)
לא וירא אלהים את כל אשר עשה והנה טוב מאד ויהי ערב ויהי בקר יום הששי {פ}
❮
❯