עזרא 7 : 1 (ALEP)
א ואחר הדברים האלה במלכות ארתחשסתא מלך פרס--עזרא בן שריה בן עזריה בן חלקיה
עזרא 7 : 2 (ALEP)
ב בן שלום בן צדוק בן אחיטוב
עזרא 7 : 3 (ALEP)
ג בן אמריה בן עזריה בן מריות
עזרא 7 : 4 (ALEP)
ד בן זרחיה בן עזי בן בקי
עזרא 7 : 5 (ALEP)
ה בן אבישוע בן פינחס בן אלעזר בן אהרן הכהן הראש
עזרא 7 : 6 (ALEP)
ו הוא עזרא עלה מבבל והוא ספר מהיר בתורת משה אשר נתן יהוה אלהי ישראל ויתן לו המלך כיד יהוה אלהיו עליו--כל בקשתו {פ}
עזרא 7 : 7 (ALEP)
ז ויעלו מבני ישראל ומן הכהנים והלוים והמשררים והשערים והנתינים--אל ירושלם בשנת שבע לארתחשסתא המלך
עזרא 7 : 8 (ALEP)
ח ויבא ירושלם בחדש החמישי היא שנת השביעית למלך
עזרא 7 : 9 (ALEP)
ט כי באחד לחדש הראשון--הוא יסד המעלה מבבל ובאחד לחדש החמישי בא אל ירושלם כיד אלהיו הטובה עליו
עזרא 7 : 10 (ALEP)
י כי עזרא הכין לבבו לדרש את תורת יהוה ולעשת וללמד בישראל חק ומשפט {ס}
עזרא 7 : 11 (ALEP)
יא וזה פרשגן הנשתון אשר נתן המלך ארתחשסתא לעזרא הכהן הספר ספר דברי מצות יהוה וחקיו--על ישראל {פ}
עזרא 7 : 12 (ALEP)
יב ארתחשסתא--מלך מלכיא לעזרא כהנא ספר דתא די אלה שמיא גמיר--וכענת
עזרא 7 : 13 (ALEP)
יג מני שים טעם--די כל מתנדב במלכותי מן עמא ישראל וכהנוהי ולויא למהך לירושלם עמך יהך
עזרא 7 : 14 (ALEP)
יד כל קבל די מן קדם מלכא ושבעת יעטהי שליח לבקרה על יהוד ולירושלם--בדת אלהך די בידך
עזרא 7 : 15 (ALEP)
טו ולהיבלה כסף ודהב--די מלכא ויעטוהי התנדבו לאלה ישראל די בירושלם משכנה
עזרא 7 : 16 (ALEP)
טז וכל כסף ודהב די תהשכח בכל מדינת בבל--עם התנדבות עמא וכהניא מתנדבין לבית אלההם די בירושלם
עזרא 7 : 17 (ALEP)
יז כל קבל דנה אספרנא תקנא בכספא דנה תורין דכרין אמרין ומנחתהון ונסכיהון ותקרב המו--על מדבחה די בית אלהכם די בירושלם
עזרא 7 : 18 (ALEP)
יח ומה די עליך (עלך) ועל אחיך (אחך) ייטב בשאר כספא ודהבה--למעבד כרעות אלהכם תעבדון
עזרא 7 : 19 (ALEP)
יט ומאניא די מתיהבין לך לפלחן בית אלהך--השלם קדם אלה ירושלם
עזרא 7 : 20 (ALEP)
כ ושאר חשחות בית אלהך די יפל לך למנתן--תנתן מן בית גנזי מלכא
עזרא 7 : 21 (ALEP)
כא ומני אנה ארתחשסתא מלכא שים טעם--לכל גזבריא די בעבר נהרה די כל די ישאלנכון עזרא כהנא ספר דתא די אלה שמיא--אספרנא יתעבד
עזרא 7 : 22 (ALEP)
כב עד כסף ככרין מאה ועד חנטין כורין מאה ועד חמר בתין מאה ועד בתין משח מאה ומלח די לא כתב
עזרא 7 : 23 (ALEP)
כג כל די מן טעם אלה שמיא יתעבד אדרזדא לבית אלה שמיא די למה להוא קצף על מלכות מלכא ובנוהי
עזרא 7 : 24 (ALEP)
כד ולכם מהודעין די כל כהניא ולויא זמריא תרעיא נתיניא ופלחי בית אלהא דנה--מנדה בלו והלך לא שליט למרמא עליהם
עזרא 7 : 25 (ALEP)
כה ואנת עזרא כחכמת אלהך די בידך מני שפטין ודינין די להון דאנין (דינין) לכל עמא די בעבר נהרה לכל ידעי דתי אלהך ודי לא ידע תהודעון
עזרא 7 : 26 (ALEP)
כו וכל די לא להוא עבד דתא די אלהך ודתא די מלכא--אספרנא דינה להוא מתעבד מנה הן למות הן לשרשו (לשרשי) הן לענש נכסין ולאסורין {פ}
עזרא 7 : 27 (ALEP)
כז ברוך יהוה אלהי אבתינו--אשר נתן כזאת בלב המלך לפאר את בית יהוה אשר בירושלם
עזרא 7 : 28 (ALEP)
כח ועלי הטה חסד לפני המלך ויועציו ולכל שרי המלך הגברים ואני התחזקתי כיד יהוה אלהי עלי ואקבצה מישראל ראשים לעלות עמי {פ}
❮
❯