hebrew Bible Presentation Sharing - Ezra Book, chapter 1, verse 58 in Alep Version

עזרא 1 : 1 (ALEP)

א ובשנת אחת לכורש מלך פרס לכלות דבר יהוה מפי ירמיה העיר יהוה את רוח כרש מלך פרס ויעבר קול בכל מלכותו וגם במכתב לאמר

עזרא 1 : 2 (ALEP)

ב כה אמר כרש מלך פרס--כל ממלכות הארץ נתן לי יהוה אלהי השמים והוא פקד עלי לבנות לו בית בירושלם אשר ביהודה

עזרא 1 : 3 (ALEP)

ג מי בכם מכל עמו יהי אלהיו עמו ויעל לירושלם אשר ביהודה ויבן את בית יהוה אלהי ישראל--הוא האלהים אשר בירושלם

עזרא 1 : 4 (ALEP)

ד וכל הנשאר מכל המקמות אשר הוא גר שם--ינשאוהו אנשי מקמו בכסף ובזהב וברכוש ובבהמה עם הנדבה--לבית האלהים אשר בירושלם

עזרא 1 : 5 (ALEP)

ה ויקומו ראשי האבות ליהודה ובנימן והכהנים והלוים לכל העיר האלהים את רוחו לעלות לבנות את בית יהוה אשר בירושלם

עזרא 1 : 6 (ALEP)

ו וכל סביבתיהם חזקו בידיהם בכלי כסף בזהב ברכוש ובבהמה ובמגדנות--לבד על כל התנדב {ס}

עזרא 1 : 7 (ALEP)

ז והמלך כורש הוציא את כלי בית יהוה אשר הוציא נבוכדנצר מירושלם ויתנם בבית אלהיו

עזרא 1 : 8 (ALEP)

ח ויוציאם כורש מלך פרס על יד מתרדת הגזבר ויספרם לששבצר הנשיא ליהודה

עזרא 1 : 9 (ALEP)

ט ואלה מספרם אגרטלי זהב שלשים אגרטלי כסף אלף מחלפים תשעה ועשרים {ס}

עזרא 1 : 10 (ALEP)

י כפורי זהב שלשים-- {ס} כפורי כסף משנים ארבע מאות ועשרה כלים אחרים אלף {ס}

עזרא 1 : 11 (ALEP)

יא כל כלים לזהב ולכסף חמשת אלפים וארבע מאות הכל העלה ששבצר עם העלות הגולה--מבבל לירושלם {פ}