יחזקאל 9 : 1 (ALEP)
א ויקרא באזני קול גדול לאמר קרבו פקדות העיר ואיש כלי משחתו בידו
יחזקאל 9 : 2 (ALEP)
ב והנה ששה אנשים באים מדרך שער העליון אשר מפנה צפונה ואיש כלי מפצו בידו ואיש אחד בתוכם לבש בדים וקסת הספר במתניו ויבאו ויעמדו אצל מזבח הנחשת
יחזקאל 9 : 3 (ALEP)
ג וכבוד אלהי ישראל נעלה מעל הכרוב אשר היה עליו אל מפתן הבית ויקרא אל האיש הלבש הבדים אשר קסת הספר במתניו פ
יחזקאל 9 : 4 (ALEP)
ד ויאמר יהוה אלו עבר בתוך העיר בתוך ירושלם והתוית תו על מצחות האנשים הנאנחים והנאנקים על כל התועבות הנעשות בתוכה
יחזקאל 9 : 5 (ALEP)
ה ולאלה אמר באזני עברו בעיר אחריו והכו על (אל) תחס עיניכם (עינכם) ואל תחמלו
יחזקאל 9 : 6 (ALEP)
ו זקן בחור ובתולה וטף ונשים תהרגו למשחית ועל כל איש אשר עליו התו אל תגשו וממקדשי תחלו ויחלו באנשים הזקנים אשר לפני הבית
יחזקאל 9 : 7 (ALEP)
ז ויאמר אליהם טמאו את הבית ומלאו את החצרות חללים--צאו ויצאו והכו בעיר
יחזקאל 9 : 8 (ALEP)
ח ויהי כהכותם ונאשאר אני ואפלה על פני ואזעק ואמר אהה אדני יהוה המשחית אתה את כל שארית ישראל בשפכך את חמתך על ירושלם
יחזקאל 9 : 9 (ALEP)
ט ויאמר אלי עון בית ישראל ויהודה גדול במאד מאד ותמלא הארץ דמים והעיר מלאה מטה כי אמרו עזב יהוה את הארץ ואין יהוה ראה
יחזקאל 9 : 10 (ALEP)
י וגם אני--לא תחוס עיני ולא אחמל דרכם בראשם נתתי
יחזקאל 9 : 11 (ALEP)
יא והנה האיש לבש הבדים אשר הקסת במתניו משיב דבר לאמר עשיתי כאשר (ככל אשר) צויתני פ
❮
❯