Ezekiel 5 : 1 (ALEP)
א ואתה בן אדם קח לך חרב חדה תער הגלבים תקחנה לך והעברת על ראשך ועל זקנך ולקחת לך מאזני משקל וחלקתם
Ezekiel 5 : 2 (ALEP)
ב שלשית באור תבעיר בתוך העיר כמלאת ימי המצור ולקחת את השלשית תכה בחרב סביבותיה והשלשית תזרה לרוח וחרב אריק אחריהם
Ezekiel 5 : 3 (ALEP)
ג ולקחת משם מעט במספר וצרת אותם בכנפיך
Ezekiel 5 : 4 (ALEP)
ד ומהם עוד תקח והשלכת אותם אל תוך האש ושרפת אתם באש ממנו תצא אש אל כל בית ישראל {פ}
Ezekiel 5 : 5 (ALEP)
ה כה אמר אדני יהוה זאת ירושלם בתוך הגוים שמתיה וסביבותיה ארצות
Ezekiel 5 : 6 (ALEP)
ו ותמר את משפטי לרשעה מן הגוים ואת חקותי מן הארצות אשר סביבותיה כי במשפטי מאסו וחקותי לא הלכו בהם {ס}
Ezekiel 5 : 7 (ALEP)
ז לכן כה אמר אדני יהוה יען המנכם מן הגוים אשר סביבותיכם בחקותי לא הלכתם ואת משפטי לא עשיתם וכמשפטי הגוים אשר סביבותיכם לא עשיתם
Ezekiel 5 : 8 (ALEP)
ח לכן כה אמר אדני יהוה הנני עליך גם אני ועשיתי בתוכך משפטים לעיני הגוים
Ezekiel 5 : 9 (ALEP)
ט ועשיתי בך את אשר לא עשיתי ואת אשר לא אעשה כמהו עוד--יען כל תועבתיך {פ}
Ezekiel 5 : 10 (ALEP)
י לכן אבות יאכלו בנים בתוכך ובנים יאכלו אבותם ועשיתי בך שפטים וזריתי את כל שאריתך לכל רוח {ס}
Ezekiel 5 : 11 (ALEP)
יא לכן חי אני נאם אדני יהוה אם לא יען את מקדשי טמאת בכל שקוציך ובכל תועבתיך וגם אני אגרע ולא תחוס עיני וגם אני לא אחמול
Ezekiel 5 : 12 (ALEP)
יב שלשתיך בדבר ימותו וברעב יכלו בתוכך והשלשית בחרב יפלו סביבותיך והשלישית לכל רוח אזרה וחרב אריק אחריהם
Ezekiel 5 : 13 (ALEP)
יג וכלה אפי והנחותי חמתי בם--והנחמתי וידעו כי אני יהוה דברתי בקנאתי בכלותי חמתי בם
Ezekiel 5 : 14 (ALEP)
יד ואתנך לחרבה ולחרפה בגוים אשר סביבותיך לעיני כל עובר
Ezekiel 5 : 15 (ALEP)
טו והיתה חרפה וגדופה מוסר ומשמה לגוים אשר סביבותיך בעשותי בך שפטים באף ובחמה ובתכחות חמה--אני יהוה דברתי
Ezekiel 5 : 16 (ALEP)
טז בשלחי את חצי הרעב הרעים בהם אשר היו למשחית אשר אשלח אותם לשחתכם--ורעב אסף עליכם ושברתי לכם מטה לחם
Ezekiel 5 : 17 (ALEP)
יז ושלחתי עליכם רעב וחיה רעה ושכלך ודבר ודם יעבר בך וחרב אביא עליך אני יהוה דברתי {פ}
❮
❯
1
2
3
4
5
6
7
8
9
10
11
12
13
14
15
16
17