יחזקאל 31 : 1 (ALEP)
א ויהי באחת עשרה שנה בשלישי באחד לחדש היה דבר יהוה אלי לאמר
יחזקאל 31 : 2 (ALEP)
ב בן אדם אמר אל פרעה מלך מצרים ואל המונו אל מי דמית בגדלך
יחזקאל 31 : 3 (ALEP)
ג הנה אשור ארז בלבנון יפה ענף וחרש מצל--וגבה קומה ובין עבתים היתה צמרתו
יחזקאל 31 : 4 (ALEP)
ד מים גדלוהו תהום רממתהו את נהרתיה הלך סביבות מטעה ואת תעלתיה שלחה אל כל עצי השדה
יחזקאל 31 : 5 (ALEP)
ה על כן גבהא קמתו מכל עצי השדה ותרבינה סרעפתיו ותארכנה פארתו ממים רבים--בשלחו
יחזקאל 31 : 6 (ALEP)
ו בסעפתיו קננו כל עוף השמים ותחת פארתיו ילדו כל חית השדה ובצלו ישבו כל גוים רבים
יחזקאל 31 : 7 (ALEP)
ז וייף בגדלו בארך דליותיו כי היה שרשו אל מים רבים
יחזקאל 31 : 8 (ALEP)
ח ארזים לא עממהו בגן אלהים--ברושים לא דמו אל סעפתיו וערמנים לא היו כפראתיו כל עץ בגן אלהים--לא דמה אליו ביפיו
יחזקאל 31 : 9 (ALEP)
ט יפה עשיתיו ברב דליותיו ויקנאהו כל עצי עדן אשר בגן האלהים פ
יחזקאל 31 : 10 (ALEP)
י לכן כה אמר אדני יהוה יען אשר גבהת בקומה ויתן צמרתו אל בין עבותים ורם לבבו בגבהו
יחזקאל 31 : 11 (ALEP)
יא ואתנהו--ביד איל גוים עשו יעשה לו כרשעו גרשתהו
יחזקאל 31 : 12 (ALEP)
יב ויכרתהו זרים עריצי גוים ויטשהו אל ההרים ובכל גאיות נפלו דליותיו ותשברנה פראתיו בכל אפיקי הארץ וירדו מצלו כל עמי הארץ ויטשהו
יחזקאל 31 : 13 (ALEP)
יג על מפלתו ישכנו כל עוף השמים ואל פראתיו היו כל חית השדה
יחזקאל 31 : 14 (ALEP)
יד למען אשר לא יגבהו בקומתם כל עצי מים ולא יתנו את צמרתם אל בין עבתים ולא יעמדו אליהם בגבהם כל שתי מים כי כלם נתנו למות אל ארץ תחתית בתוך בני אדם--אל יורדי בור פ
יחזקאל 31 : 15 (ALEP)
טו כה אמר אדני יהוה ביום רדתו שאולה האבלתי כסתי עליו את תהום ואמנע נהרותיה ויכלאו מים רבים ואקדר עליו לבנון וכל עצי השדה עליו עלפה
יחזקאל 31 : 16 (ALEP)
טז מקול מפלתו הרעשתי גוים בהורדי אתו שאולה את יורדי בור וינחמו בארץ תחתית כל עצי עדן--מבחר וטוב לבנון כל שתי מים
יחזקאל 31 : 17 (ALEP)
יז גם הם אתו ירדו שאולה--אל חללי חרב וזרעו ישבו בצלו בתוך גוים
יחזקאל 31 : 18 (ALEP)
יח אל מי דמית ככה בכבוד ובגדל בעצי עדן והורדת את עצי עדן אל ארץ תחתית בתוך ערלים תשכב את חללי חרב--הוא פרעה וכל המונה נאם אדני יהוה פ
❮
❯
1
2
3
4
5
6
7
8
9
10
11
12
13
14
15
16
17
18