שמות 7 : 1 (ALEP)
א ויאמר יהוה אל משה ראה נתתיך אלהים לפרעה ואהרן אחיך יהיה נביאך
שמות 7 : 2 (ALEP)
ב אתה תדבר את כל אשר אצוך ואהרן אחיך ידבר אל פרעה ושלח את בני ישראל מארצו
שמות 7 : 3 (ALEP)
ג ואני אקשה את לב פרעה והרביתי את אתתי ואת מופתי בארץ מצרים
שמות 7 : 4 (ALEP)
ד ולא ישמע אלכם פרעה ונתתי את ידי במצרים והוצאתי את צבאתי את עמי בני ישראל מארץ מצרים בשפטים גדלים
שמות 7 : 5 (ALEP)
ה וידעו מצרים כי אני יהוה בנטתי את ידי על מצרים והוצאתי את בני ישראל מתוכם
שמות 7 : 6 (ALEP)
ו ויעש משה ואהרן--כאשר צוה יהוה אתם כן עשו
שמות 7 : 7 (ALEP)
ז ומשה בן שמנים שנה ואהרן בן שלש ושמנים שנה--בדברם אל פרעה פ
שמות 7 : 8 (ALEP)
ח ויאמר יהוה אל משה ואל אהרן לאמר
שמות 7 : 9 (ALEP)
ט כי ידבר אלכם פרעה לאמר תנו לכם מופת ואמרת אל אהרן קח את מטך והשלך לפני פרעה--יהי לתנין
שמות 7 : 10 (ALEP)
י ויבא משה ואהרן אל פרעה ויעשו כן כאשר צוה יהוה וישלך אהרן את מטהו לפני פרעה ולפני עבדיו--ויהי לתנין
שמות 7 : 11 (ALEP)
יא ויקרא גם פרעה לחכמים ולמכשפים ויעשו גם הם חרטמי מצרים בלהטיהם--כן
שמות 7 : 12 (ALEP)
יב וישליכו איש מטהו ויהיו לתנינם ויבלע מטה אהרן את מטתם
שמות 7 : 13 (ALEP)
יג ויחזק לב פרעה ולא שמע אלהם כאשר דבר יהוה ס
שמות 7 : 14 (ALEP)
יד ויאמר יהוה אל משה כבד לב פרעה מאן לשלח העם
שמות 7 : 15 (ALEP)
טו לך אל פרעה בבקר הנה יצא המימה ונצבת לקראתו על שפת היאר והמטה אשר נהפך לנחש תקח בידך
שמות 7 : 16 (ALEP)
טז ואמרת אליו יהוה אלהי העברים שלחני אליך לאמר שלח את עמי ויעבדני במדבר והנה לא שמעת עד כה
שמות 7 : 17 (ALEP)
יז כה אמר יהוה בזאת תדע כי אני יהוה הנה אנכי מכה במטה אשר בידי על המים אשר ביאר--ונהפכו לדם
שמות 7 : 18 (ALEP)
יח והדגה אשר ביאר תמות ובאש היאר ונלאו מצרים לשתות מים מן היאר ס
שמות 7 : 19 (ALEP)
יט ויאמר יהוה אל משה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם--ויהיו דם והיה דם בכל ארץ מצרים ובעצים ובאבנים
שמות 7 : 20 (ALEP)
כ ויעשו כן משה ואהרן כאשר צוה יהוה וירם במטה ויך את המים אשר ביאר לעיני פרעה ולעיני עבדיו ויהפכו כל המים אשר ביאר לדם
שמות 7 : 21 (ALEP)
כא והדגה אשר ביאר מתה ויבאש היאר ולא יכלו מצרים לשתות מים מן היאר ויהי הדם בכל ארץ מצרים
שמות 7 : 22 (ALEP)
כב ויעשו כן חרטמי מצרים בלטיהם ויחזק לב פרעה ולא שמע אלהם כאשר דבר יהוה
שמות 7 : 23 (ALEP)
כג ויפן פרעה ויבא אל ביתו ולא שת לבו גם לזאת
שמות 7 : 24 (ALEP)
כד ויחפרו כל מצרים סביבת היאר מים לשתות כי לא יכלו לשתת ממימי היאר
שמות 7 : 25 (ALEP)
כה וימלא שבעת ימים אחרי הכות יהוה את היאר פ ()כוויאמריהוהאלמשהבאאלפרעהואמרתאליוכהאמריהוהשלחאתעמיויעבדני ()כזואםמאןאתהלשלח הנהאנכינגףאתכלגבולך--בצפרדעים ()כחושרץהיארצפרדעיםועלוובאובביתךובחדרמשכבךועלמטתךובביתעבדיךובעמךובתנוריךובמשארותיך ()כטובכהובעמךובכלעבדיך--יעלוהצפרדעים
❮
❯