שמות 34 : 1 (ALEP)
א ויאמר יהוה אל משה פסל לך שני לחת אבנים כראשנים וכתבתי על הלחת את הדברים אשר היו על הלחת הראשנים אשר שברת
שמות 34 : 2 (ALEP)
ב והיה נכון לבקר ועלית בבקר אל הר סיני ונצבת לי שם על ראש ההר
שמות 34 : 3 (ALEP)
ג ואיש לא יעלה עמך וגם איש אל ירא בכל ההר גם הצאן והבקר אל ירעו אל מול ההר ההוא
שמות 34 : 4 (ALEP)
ד ויפסל שני לחת אבנים כראשנים וישכם משה בבקר ויעל אל הר סיני כאשר צוה יהוה אתו ויקח בידו שני לחת אבנים
שמות 34 : 5 (ALEP)
ה וירד יהוה בענן ויתיצב עמו שם ויקרא בשם יהוה
שמות 34 : 6 (ALEP)
ו ויעבר יהוה על פניו ויקרא יהוה יהוה אל רחום וחנון--ארך אפים ורב חסד ואמת
שמות 34 : 7 (ALEP)
ז נ צר חסד לאלפים נשא עון ופשע וחטאה ונקה לא ינקה--פקד עון אבות על בנים ועל בני בנים על שלשים ועל רבעים
שמות 34 : 8 (ALEP)
ח וימהר משה ויקד ארצה וישתחו
שמות 34 : 9 (ALEP)
ט ויאמר אם נא מצאתי חן בעיניך אדני ילך נא אדני בקרבנו כי עם קשה ערף הוא וסלחת לעוננו ולחטאתנו ונחלתנו
שמות 34 : 10 (ALEP)
י ויאמר הנה אנכי כרת ברית נגד כל עמך אעשה נפלאת אשר לא נבראו בכל הארץ ובכל הגוים וראה כל העם אשר אתה בקרבו את מעשה יהוה כי נורא הוא אשר אני עשה עמך
שמות 34 : 11 (ALEP)
יא שמר לך--את אשר אנכי מצוך היום הנני גרש מפניך את האמרי והכנעני והחתי והפרזי והחוי והיבוסי
שמות 34 : 12 (ALEP)
יב השמר לך פן תכרת ברית ליושב הארץ אשר אתה בא עליה פן יהיה למוקש בקרבך
שמות 34 : 13 (ALEP)
יג כי את מזבחתם תתצון ואת מצבתם תשברון ואת אשריו תכרתון
שמות 34 : 14 (ALEP)
יד כי לא תשתחוה לאל אח ר כי יהוה קנא שמו אל קנא הוא
שמות 34 : 15 (ALEP)
טו פן תכרת ברית ליושב הארץ וזנו אחרי אלהיהם וזבחו לאלהיהם וקרא לך ואכלת מזבחו
שמות 34 : 16 (ALEP)
טז ולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן
שמות 34 : 17 (ALEP)
יז אלהי מסכה לא תעשה לך
שמות 34 : 18 (ALEP)
יח את חג המצות תשמר--שבעת ימים תאכל מצות אשר צויתך למועד חדש האביב כי בחדש האביב יצאת ממצרים
שמות 34 : 19 (ALEP)
יט כל פטר רחם לי וכל מקנך תזכר פטר שור ושה
שמות 34 : 20 (ALEP)
כ ופטר חמור תפדה בשה ואם לא תפדה וערפתו כל בכור בניך תפדה ולא יראו פני ריקם
שמות 34 : 21 (ALEP)
כא ששת ימים תעבד וביום השביעי תשבת בחריש ובקציר תשבת
שמות 34 : 22 (ALEP)
כב וחג שבעת תעשה לך בכורי קציר חטים וחג האסיף--תקופת השנה
שמות 34 : 23 (ALEP)
כג שלש פעמים בשנה--יראה כל זכורך את פני האדן יהוה אלהי ישראל
שמות 34 : 24 (ALEP)
כד כי אוריש גוים מפניך והרחבתי את גבלך ולא יחמד איש את ארצך בעלתך לראות את פני יהוה אלהיך שלש פעמים בשנה
שמות 34 : 25 (ALEP)
כה לא תשחט על חמץ דם זבחי ולא ילין לבקר זבח חג הפסח
שמות 34 : 26 (ALEP)
כו ראשית בכורי אדמתך תביא בית יהוה אלהיך לא תבשל גדי בחלב אמו {פ}
שמות 34 : 27 (ALEP)
כז ויאמר יהוה אל משה כתב לך את הדברים האלה כי על פי הדברים האלה כרתי אתך ברית--ואת ישראל
שמות 34 : 28 (ALEP)
כח ויהי שם עם יהוה ארבעים יום וארבעים לילה--לחם לא אכל ומים לא שתה ויכתב על הלחת את דברי הברית--עשרת הדברים
שמות 34 : 29 (ALEP)
כט ויהי ברדת משה מהר סיני ושני לחת העדת ביד משה ברדתו מן ההר ומשה לא ידע כי קרן עור פניו--בדברו אתו
שמות 34 : 30 (ALEP)
ל וירא אהרן וכל בני ישראל את משה והנה קרן עור פניו וייראו מגשת אליו
שמות 34 : 31 (ALEP)
לא ויקרא אלהם משה וישבו אליו אהרן וכל הנשאים בעדה וידבר משה אלהם
שמות 34 : 32 (ALEP)
לב ואחרי כן נגשו כל בני ישראל ויצום--את כל אשר דבר יהוה אתו בהר סיני
שמות 34 : 33 (ALEP)
לג ויכל משה מדבר אתם ויתן על פניו מסוה
שמות 34 : 34 (ALEP)
לד ובבא משה לפני יהוה לדבר אתו יסיר את המסוה עד צאתו ויצא ודבר אל בני ישראל את אשר יצוה
שמות 34 : 35 (ALEP)
לה וראו בני ישראל את פני משה כי קרן עור פני משה והשיב משה את המסוה על פניו עד באו לדבר אתו {ס}
❮
❯